ក្រុមហេសបូឡា នៅព្រឹកថ្ងៃអាទិត្យ (ទី៥ ខែមេសា ឆ្នាំ២០២៦) បានប្រាប់ឲ្យដឹងថា ខ្លួនបានកំណត់គោលដៅនាវាចម្បាំងអ៊ីស្រាអែល ១គ្រឿង នៅឆ្នេរសមុទ្រលីបង់ដោយមីស៊ីលតម្រង់គោលដៅ ដោយអះអាងថា ការវាយប្រហារចំដោយផ្ទាល់ ត្រូវបានអះអាង។

នៅក្នុងសេចក្តីថ្លែងការណ៍មួយ ក្រុមហេសបូឡាបានឲ្យដឹងថា ការវាយប្រហារនេះបានកើតឡើង នាពាក់កណ្តាលអធ្រាត្រ ដោយកំណត់គោលដៅនាវានោះនៅចម្ងាយប្រហែល ៦៨ម៉ាយល៍ណត់ (ជាង ១២៥គីឡូម៉ែត្រ) ពីឆ្នេរសមុទ្រលីបង់ បន្ទាប់ពីបានតាមឃ្លាំមើលជាច្រើនម៉ោង។

ក្រុមនេះបានបញ្ជាក់ថា នាវានេះកំពុងរៀបចំធ្វើការវាយប្រហារលើទឹកដីលីបង់ ដោយបន្ថែមថា ការវាយប្រហារនេះ បានកើតឡើង ដើម្បីឆ្លើយតបទៅនឹងការវាយប្រហារតាមអាកាសរបស់អ៊ីស្រាអែលជាបន្តបន្ទាប់ លើទីប្រជុំជន និងភូមិនានារបស់លីបង់ ក៏ដូចជាការបំផ្លាញហេដ្ឋារចនាសម្ព័ន្ធ និងការធ្វើឲ្យជនស៊ីវិលភៀសខ្លួន។

ហេតុការណ៍នេះកើតឡើងចំពេលមានអរិភាពឆ្លងដែន រវាងអ៊ីស្រាអែល និងក្រុមហេសបូឡា ដែលបានកើនឡើង ក្នុងសប្តាហ៍ថ្មីៗនេះ ដោយមានការវាយប្រហារតាមអាកាសរបស់អ៊ីស្រាអែលកាន់តែខ្លាំងឡើងៗ នៅភាគខាងត្បូងប្រទេសលីបង់ តំបន់ Bekaa និងជាយក្រុងភាគខាងត្បូងនៃទីក្រុងបេរូត។

មិនទាន់មានការអត្ថាធិប្បាយអ្វីពីអ្វីនៅឡើយទេ ពីអ៊ីស្រាអេល ពាក់ព័ន្ធនឹងការអះអាងនេះ៕