ប្រធានាធិបតីសហរដ្ឋអាមេរិក លោក Donald Trump បានប្រញាប់ប្រញាល់ប្រកាសជ័យជម្នះបន្ទាប់ពីសមាជិកអាកាសយានិកទីពីរនៃយន្តហោះចម្បាំង F-15 ដែលត្រូវបានបាញ់ទម្លាក់នៅលើអាកាសរបស់ប្រទេសអ៊ីរ៉ង់ត្រូវបានរកឃើញវិញ ដោយអះអាងថាជាការជួយសង្គ្រោះដ៏អស្ចារ្យ និងជោគជ័យនៅក្នុងទឹកដីអ៊ីរ៉ង់ ដោយបញ្ជាក់ម្តងទៀតថាពួកលោកសម្រេចបានការគ្រប់គ្រង និងឧត្តមភាពផ្លូវអាកាសដ៏លើសលប់។

ទោះជាយ៉ាងណាក៏ដោយ ក្រុមអ្នកសង្កេតការណ៍បានគូររូបភាពកាន់តែពស្មុគស្មាញអំពីអត្ថន័យនៃរឿងនេះសម្រាប់សហរដ្ឋអាមេរិកនៅក្នុងប្រទេសអ៊ីរ៉ង់។

ខណៈបេសកកម្មនេះទទួលបានជោគជ័យ ព្រឹត្តិការណ៍ប៉ុន្មានថ្ងៃចុងក្រោយនេះ ដែលយន្តហោះចម្បាំងពីរគ្រឿងត្រូវបានបាញ់ទម្លាក់ និងឧទ្ធម្ភាគចក្រយ៉ាងហោចណាស់មួយគ្រឿងត្រូវបានបាញ់ប្រហារ បង្ហាញថាការគំរាមកំហែងដល់យន្តហោះ និងបុគ្គលិករបស់សហរដ្ឋអាមេរិកនៅតែមានសូម្បីតែបន្ទាប់ពីការវាយប្រហារយ៉ាងធ្ងន់ធ្ងរជាច្រើនសប្តាហ៍របស់សហរដ្ឋអាមេរិក និងអ៊ីស្រាអែល ប្រឆាំងនឹងហេដ្ឋារចនាសម្ព័ន្ធយោធារបស់អ៊ីរ៉ង់ ហើយអួតពីប្រធានាធិបតីថាទីក្រុងតេអេរ៉ង់ គ្មានឧបករណ៍ប្រឆាំងយន្តហោះ នៅសល់ទៀតក៏ដោយ។

លោកTrump បានព្រមានថា អាមេរិកនឹងបាញ់ស្រោចកាន់តែខ្លាំងកម្ទេចប្រទេសអ៊ីរ៉ង់ក្នុងរយៈពេល៤៨ ម៉ោងទៀត លុះត្រាតែប្រទេសនេះបើកច្រកសមុទ្រ Hormuz ប៉ុន្មានម៉ោងមុនពេលរូបលោកអះអាងថាមេដឹកនាំយោធាជាច្រើនរបស់អ៊ីរ៉ង់ត្រូវបានកម្ទេចចោលអស់ហើយ។

លោកថា នៅអ្នកចាំទេ ពេលដែលរូបលោកបានផ្តល់ពេលឱ្យអ៊ីរ៉ង់១០ថ្ងៃដើម្បីធ្វើកិច្ចព្រមព្រៀង ឬបើកច្រកសមុទ្រ Hormuzនោះ ។ ពេលវេលាជិតអស់ហើយ ៤៨ ម៉ោងមុនពេលការបំផ្លិចបំផ្លាញគ្រប់រូបភាពនឹងគ្របដណ្ដប់លើពួកគេ។ឱសានវាទថ្មីនេះ នឹងផុតនៅថ្ងៃពុធសប្ដាហ៍នេះ៕