សហភាពអាហ្វ្រិក (AU) និងដៃគូរបស់ខ្លួន បានព្រមានថា ជម្លោះនៅតំបន់មជ្ឈិមបូព៌ាដែលកំពុងបន្ត បានបង្ក «ហានិភ័យធ្ងន់ធ្ងរ» ដល់សេដ្ឋកិច្ចអាហ្វ្រិក។

នៅក្នុងសន្និសីទសារព័ត៌មានអំពីគោលនយោបាយរួមដែលបានចេញផ្សាយ សហភាពអាហ្វ្រិក(AU) គណៈកម្មការសេដ្ឋកិច្ចអង្គការសហប្រជាជាតិសម្រាប់ទ្វីបអាហ្វ្រិក ធនាគារអភិវឌ្ឍន៍អាហ្វ្រិក និងកម្មវិធីអភិវឌ្ឍន៍អង្គការសហប្រជាជាតិ បានព្រមានថា ជម្លោះកាន់តែអូសបន្លាយពេលនិងការរំខានដល់ផ្លូវដឹកជញ្ជូន ថាមពលនិងការផ្គត់ផ្គង់ជីកាន់តែធ្ងន់ធ្ងរ ហានិភ័យនៃការធ្លាក់ចុះកំណើនគួរឱ្យកត់សម្គាល់នៅទូទាំងទ្វីបអាហ្វ្រិក កាន់តែខ្ពស់។

ដោយសារប្រទេសអាហ្វ្រិកភាគច្រើន នៅតែកើនឡើងក្នុងអត្រាទាបជាងមុនពេលជំងឺរាតត្បាត COVID សន្និសីទនេះបានព្យាករណ៍ពីការបាត់បង់កំណើនទិន្នផល០,២ភាគរយលើផលិតផលក្នុងស្រុកសរុបរបស់ទ្វីបអាហ្វ្រិកសម្រាប់ឆ្នាំ ២០២៦ ប្រសិនបើជម្លោះលើសពី៦ខែ។

អង្គការនានា បានសង្កត់ធ្ងន់ថា ជម្លោះ ដែលបានបង្កឱ្យមានការភ្ញាក់ផ្អើលផ្នែកពាណិជ្ជកម្មរួចហើយ អាចក្លាយជា «វិបត្តិនៃការចំណាយសម្រាប់ជីវភាពរស់នៅ» តាមរយៈតម្លៃប្រេងឥន្ធនៈនិងអាហារកាន់តែហក់ឡើងខ្ពស់។ ការកើនឡើងការចំណាយថ្លៃដឹកជញ្ជូន ការធានារ៉ាប់រង សម្ពាធអត្រាប្តូរប្រាក់ និងលក្ខខណ្ឌសារពើពន្ធកាន់តែតឹងរ៉ឹង អាចធ្វើឱ្យវិបត្តិកាន់តែធ្ងន់ធ្ងរ ដោយគ្រួសារងាយរងគ្រោះនឹងទទួលរងបន្ទុកធ្ងន់បំផុត។