កាលពីថ្ងៃអង្គារម្សិលមិញ ស្រ្តីគុយបារាប់រយនាក់ បាននាំគ្នាតវ៉ាប្រឆាំងនឹងការហាមឃាត់ទំនិញរបស់សហរដ្ឋអាមេរិកដែលធ្វើឲ្យប៉ះពាល់ដល់ប្រទេសកោះមួយនេះ ខណៈលោកប្រធានាធិបតីសហរដ្ឋអាមេរិក Donald Trump បិទប្រេងតាមព្រឹត្តន័យ ដើម្បីធ្វើឲ្យរដ្ឋាភិបាលកុម្មុយនិស្តគុយបា លុតជង្គង់របស់ខ្លួន ។

 បាតុកម្មដែលត្រូវបានអំពាវនាវឲ្យធ្វើឡើងដោយសហព័ន្ធស្រ្តីគុយបា(FMC) នាំឲ្យមានការចូលរួមពីក្រុមកម្មករវិស័យសាធារណៈ និងក្រុមនិស្សិត ។ ការជួបជុំគ្នានេះដែរ គឺជាការប្រារព្ធខួបកំណើតលើកទី ៩៦របស់ស្ថាបនិកបង្កើតសហព័ន្ធ FMC និងជាអតីតស្រ្តីទី ១គឺលោកស្រី Vilma Espin ដែលជាប្រពន្ធចុងរបស់អតីតប្រធានាធិបតីគុយបាលោក Raul Castro ។

 លោក Trump បានគំរាមកាលពីពេលកន្លងទៅថា លោករំពឹងថា នឹងដណ្តើមយកគុយបា ហើយលោកអាចធ្វើអ្វីមួយដែលលោកចង់ធ្វើជាមួយប្រទេសជិតខាងមួយនេះ ។

 ទោះបីជាមានការគំរាមកំហែងបែបនេះយ៉ាងណាក្តី លោក Trump ពុំបានចាត់វិធានការបញ្ឈប់នាវាដឹកប្រេងរុស្ស៊ីកាលពីសប្តាហ៍មុននោះឡើយ ដែលបានដឹកប្រេងឆៅដ៏ចាំបាច់ខ្លាំងចំនួន ៧០ម៉ឺនបារ៉ែល ទៅកាន់គុយបា ៕