នៅថ្ងៃទី១៤ខែមេសា ឆ្នាំ២០២៦នេះ គឺជាថ្ងៃទី១ នៃព្រឹត្តិការណ៍ «នគរសង្ក្រាន្ត» ដែលប្រារព្ធធ្វើឡើងនៅរាជធានីភ្នំពេញ ដែលមាន ៦ទីតាំង ក្នុងនោះក៏មានរមណីយដ្ឋានប្រវត្តិសាស្រ្តវត្តភ្នំមួយផងដែរ។

ក្នុងពេលដើរលេងកម្សាន្តនៅរមណីយដ្ឋានប្រវត្តិសាស្រ្តវត្តភ្នំ ភ្ញៀវទេសចរជាតិ បានប្រាប់BTV ឲ្យដឹងថា ការរៀបចំព្រឹត្តិការណ៍«នគរសង្រ្កាន្ត» នៅទីតាំងវត្តភ្នំ មានការតុបតែងលំអរបែបប្រពៃណីជាតិយ៉ាងស្រស់ស្អាត និងទាក់ទាញចិត្តឱ្យមកដើរលេងក្នុងពេលនេះ។ក្នុងនាមពលរដ្ឋខ្មែរ ភ្ញៀវទេចរទាំងនោះ ក៍បានជូនពរដល់វីរៈកងទ័ពនៅជួរមុខ ក្នុងឱកាសពិធីបុណ្យចូលឆ្នាំថ្មី ប្រពៃណីជាតិ មានសុខភាពល្អ និងសុវត្ថិភាព។

ភ្ញៀវទេសចរអន្តរជាតិបានបង្ហាញអារម្មណ៍រីករាយពេលបានលេងល្បែងប្រជាប្រិយខ្មែរ និងពេញចិត្តវប្បធម៌ខ្មែរ។ភ្ញៀវទេសចរអន្តរជាតិបន្តថា ប្រទេសកម្ពុជាស្រស់ស្អាត ប្រជាពលរដ្ឋចិត្តល្អ និងសុវត្ថិភាព ម្លោះហើយភ្ញៀវទេសចរដដៃទៀត អាចមកលេងប្រទេសកម្ពុជា ជាពិសេសេក្នុងពេលប្រារព្ធពិធីបុណ្យចូលឆ្នាំខ្មែរ។

ដើម្បីអបអរសាទរពិធីបុណ្យចូលឆ្នាំថ្មី ប្រពៃណីជាតិ សហភាពសហព័ន្ធយុវជនកម្ពុជា សហការជាមួយរដ្ឋបាលរាជធានីភ្នំពេញ និងស្ថាប័នពាក់ព័ន្ធនានា រៀបចំព្រឹត្តិការណ៍ «នគរសង្ក្រាន្ត» ដោយចាប់ពីថ្ងៃទី ១៤ រហូតដល់ថ្ងៃទី ១៩ ខែមេសា ឆ្នាំ២០២៦ ស្ថិតនៅរាជធានីភ្នំពេញ។ ស្ថិតនៅក្នុងព្រឹត្តិការណ៍«នគរសង្ក្រាន្ត» ទីតាំងរមណីដ្ឋានប្រវត្តិសាស្រ្តវត្តភ្នំ មានកម្មវិធីដូចជា៖ របាំប្រពៃណី និងប្រជាប្រិយ, ល្បែងប្រជាប្រិយ និងតន្រ្តីសួស្តីឆ្នាំថ្មី។ 

អត្ថបទ៖ទូច សោភ័ណ