កម្មវិធីយុទ្ធគុនចម្រុះខ្មែរបុរាណ បានរំលេចឡើងវិញនូវក្បាច់គុន យុទ្ធសិល្ប៍ យុទ្ធោបករណ៍ និងយុទ្ធសាស្ត្របុរាណ ដែលពាក់ព័ន្ធនឹងព្រះមហាវីរក្សត្រ និងវីរបុព្វបុរសខ្មែរ តាំងពីអតីតកាល។

យុទ្ធគុនទាំងនេះ ត្រូវបានបង្កើតឡើងសម្រាប់ការការពារអាណាចក្រ និងជាមរតកដ៏សំខាន់ក្នុងអត្តសញ្ញាណជាតិខ្មែរ។ ជាមួយគ្នានេះដែរ ល្ខោនស្រមោលស្បែកធំ «ចម្បាំងឥន្រ្តជិត» បានដកស្រង់ចេញពីរឿង «រាមកេរ្ត៍» ពោលគឺក្រោយពីក្រុងរាពណ៍បានជ្រាបថាបញ្ចកាយទៅធ្វើការ និងព្រះរាមមិនបានសម្រច ច្នោះហើយក៏បញ្ជាឱ្យ ឥន្ទ្រជិតដែលជារាជបុត្រាលើកទ័ពទៅច្បាំងនិងទ័ពមនុស្សាជាថ្មីម្តងទៀត។

ព្រឹត្តិការណ៍នគរសង្ក្រាន្ត គឺជាវេទិកាសំខាន់មួយ ក្នុងការតម្កើងវប្បធម៌រូបី និងវប្បធម៌អរូបី ទៅកាន់ប្រជាពលរដ្ឋ និងភ្ញៀវទេសចរជាតិ និងអន្តរជាតិ ព្រមទាំងជំរុញឱ្យមានការសិក្សា ស្រាវជ្រាវ និងការចូលរួមថែរក្សាឱ្យបន្តមានតម្លៃជានិរន្តរ៍។