លោក វ៉ាន់ សារ៉ាត ប្រធានមន្ទីរទេចរខេត្តស្វាយរៀងនៅថ្ងៃទី១៧ ខែមេសា ឆ្នាំ២០២៦នេះ បានបញ្ជាក់ប្រាប់ទូរទស្សន៍ btv តាមរយះសារតេឡេក្រាមអោយដឹងថាក្នុងរយៈពេលថ្ងៃ៣ នៃពិធីបុណ្យចូលឆ្នាំថ្មីប្រពៃណីខ្មែរ ចាប់ពីថ្ងៃទី១៣ដល់ថ្ងៃទី១៦ ខែមេសា ឆ្នាំ២០២៦ ស្វាយរៀង មានភ្ញៀវ ចម្រុះជាតិសាសន៍ធ្វើដំណើរឆ្លងកាត់ចូលមកលេងបុណ្យ និងកម្សាន្តក្នុងតំបន់គោលដៅនានា មានចំនួន ៤សែន ០ម៉ឺន ៨ពាន់២២១ នាក់ ក្នុងនោះភ្ញៀវបរទេសចំនួន៧២៥នាក់ ។

  លោកបានបញ្ជាក់ថាកត្តាដែលស្វាយរៀង មានភ្ញៀវធ្វើដំណើរចូលមកធ្វើបុណ្យ និងលេងកំសាន្ត ក្នុងឪកាសចូលឆ្នាំថ្មីប្រពៃណីជាតិខ្មែរ ច្រើនបើតាមការសន្និដ្ឋានជំហានដំបូងមកពីស្វាយរៀងមានទីតាំងលេងកំសាន្តបែបសិប្បនិមិត្តច្រើនកន្លែងនៅតាមវត្តអារាម បន្ថែមលើរម្មណីដ្ឋានដែលបានបន្សល់ទុក ផ្ទះសំណាក់ និងម្ហូបអាហារមានតម្លៃសមរម្យ ពិសេសសន្តិសុខបង្កអោយភ្ញៀវដើរលេងកម្សាន្ត ស្នាក់នៅគ្មានបារម្មនិងធានាសុវត្តិភាព ដែលជាគោលដៅភ្ញៀវចង់មកលេងកំសាន្ត។

  តំណាងយុវជនដែលកំពុងលេងកំសាន្តនៅតំបន់សួនកុមារ ក្រុងស្វាយរៀង បានមានចំណាប់អារម្មណ៏ ដោយគោរពថ្លែងអំណរគុណចំពោះប្រមុខរាជរដ្ឋាភិបាលកម្ពុជា សម្តេចមហាបរវធិបតី ហ៊ុន ម៉ាណែត ដែលបានបើកអោយមានការជួបជុំលេងកំសាន្តនៅពេលនេះ ពិសេសសូមគោរពថ្លែងអំណរគុណចំពោះបងៗវរៈកងទព័ជួរមុខ ដែលបានបន្តការពារបូរណភាពទឹកដីដែលចោរសៀមបន្តឈ្លានពានកម្ពុជា បង្កអោយពួកខ្ញុំទាំងអស់គ្នាមកលេងកំសាន្តសង្គ្រាន្តរយះពេល៣ថ្ងៃនេះ ។

សូមបញ្ជាក់ថា ស្វាយរៀងជាខេត្តជាប់ព្រំដែនគោកជាមួយប្រទេសវៀតណាមមានប្រវែងជាង២០០គីឡូម៉ែត្រ ខេត្តមានច្រកទ្វាព្រំដែនអន្តរជាតិចំនួន២ទីតាំង រួមនិងច្រកទ្វាតំបន់ ច្រកទ្វេភាគី និងច្រករបៀង បង្កអោយភ្ញៀវចម្រុះជាតិសាសន៏ចេញចូលមកលេងកំសាន្តបានគ្រប់ពេល ខណៈដែលភ្ញៀវមានចេតនាចង់ចូលដោយមន្ត្រីប្រចាំច្រករងចាំទទួលគ្រប់ម៉ោងធ្វើការ ។