អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskyy កាលពីថ្ងៃអង្គារបានជំរុញឱ្យមានកំណែទម្រង់នៃក្រុមប្រឹក្សាសន្តិសុខអង្គការសហប្រជាជាតិ (UNSC) ដោយចោទប្រកាន់ថា ក្រុមប្រឹក្សាមិនបានចាត់វិធានការណាមួយដើម្បីបញ្ចប់ការវាយលុករបស់រុស្ស៊ី និងស្ដារសន្តិភាពនៅក្នុងប្រទេសរបស់លោក។
មេដឹកនាំអ៊ុយក្រែនបានធ្វើការអង្វរតាមរយៈវីដេអូ ខណៈភស្តុតាងដ៏សោកសង្រេងបានបន្តបង្ហាញការសម្លាប់រង្គាលជនស៊ីវិល ធ្វើឡើងដោយកងកម្លាំងរុស្ស៊ីនៅជាយក្រុងគីវ មុនពេលពួកគេដកកងទ័ពចេញពីរដ្ឋធានី។ លោក Zelenskyy បានអំពាវនាវដល់ក្រុមប្រឹក្សាសន្តិសុខឱ្យដកប្រទេសរុស្ស៊ីចេញ ខណៈប្រទេសនេះជាអ្នកឈ្លានពាន និងជាប្រភពនៃសង្គ្រាម ហើយបន្ទាប់មកធ្វើអ្វីគ្រប់យ៉ាងដែលយើងអាចធ្វើបានដើម្បីបង្កើតសន្តិភាព។ រុស្ស៊ីមានសិទ្ធិវេតូនៅក្នុងក្រុមប្រឹក្សាសន្តិសុខ ប៉ុន្តែមេដឹកនាំអ៊ុយក្រែនបាននិយាយថា រដ្ឋមួយមិនអាចត្រូវបានអនុញ្ញាតឱ្យប្រែក្លាយសិទ្ធិវេតូនៅក្នុងក្រុមប្រឹក្សាសន្តិសុខអង្គការសហប្រជាជាតិ ទៅជាសិទ្ធិរកយុត្តិធម៌សម្រាប់អ្នកស្លាប់បានទេ។
អត្ថបទ៖ ប៊ុនថន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
