អ្នកបោះឆ្នោតនៅភាគខាងត្បូងរដ្ឋ Tamil Nadu និងភាគខាងកើតរដ្ឋ West Bengal របស់ប្រទេសឥណ្ឌា បានទៅដល់ការិយាល័យបោះឆ្នោតនៅថ្ងៃព្រហស្បតិ៍ ទី២៣ ខែមេសានេះ។

អ្នកបោះឆ្នោត បានតម្រង់ជួរនៅការិយាល័យបោះឆ្នោតនៅពេលព្រឹកព្រលឹម និងបាននិយាយថា ពួកគេសង្ឃឹមថានឹងមានការអភិវឌ្ឍ។

គណបក្សជាតិនិយមហិណ្ឌូ Bharatiya Janata មិនដែលបានគ្រប់គ្រងរដ្ឋ West Bengal ទេ ប៉ុន្តែនិយាយថា ខ្លួនចង់ទទួលជ័យជម្នះដើម្បីទប់ស្កាត់អ្វីដែលខ្លួនហៅថាអន្តោប្រវេសន៍ខុសច្បាប់មកពីប្រទេសជិតខាងបង់ក្លាដែស ដែលមានពលរដ្ឋមូស្លីមភាគច្រើន។

នៅរដ្ឋ Tamil Nadu គណបក្សចម្រុះមួយដែលរួមមានគណបក្សគណបក្សជាតិនិយមហិណ្ឌូ Bharatiya Janata ត្រូវបានគេរំពឹងថានឹងធ្វើការប្រជែងយ៉ាងប្រកៀកប្រឆាំងនឹងគណបក្សកាន់អំណាចក្នុងតំបន់ នេះបើយោងតាមការចុះផ្សាយរបស់គេហទំព័រ Vote Vibe។