ខ្សែការពារ Real Madrid និងប្រេស៊ីល Eder Militao នឹងមិនមានវត្តមានវត្តមាននៅ World Cup ឆ្នាំនេះឡើយ ដោយសារបញ្ហារបួសសរសៃពួរ។
កីឡាករវ័យ ២៨ ឆ្នាំរូបនេះ ត្រូវទទួលការវះកាត់របួសសរសៃពួរជើងខាងឆ្វេងរបស់ខ្លួននៅប្រទេសហ្វាំងឡង់ក្នុងសប្តាហ៍នេះ។
Militao បានទទួលរងរបួសនេះអំឡុងការប្រកួតរបស់ Real Madrid យកឈ្នះ Alvares ២-១ សប្តាហ៍មុន។
ក្រោយការវះកាត់នេះ Eder Militao នឹងត្រូវសម្រាកយ៉ាងហោចណាស់ ៥ ខែ មានន័យថានឹងអវត្តមានពីក្រុមជម្រើសជាតិប្រេស៊ីលនៅ World Cup 2026 ឆ្នាំនេះដែលរៀបចំនៅសហរដ្ឋអាមេរិក ម៉ិកស៊ិក និងកាណាដា។
អតីតកីឡាកររបស់ក្លឹប FC Porto រូបនេះបានរងរបួសជាច្រើនជាមួយ Real Madrid ចាប់តាំងពីការមកដល់នៅរដូវក្តៅឆ្នាំ ២០១៩ ហើយស្ថានភាពកាន់តែអាក្រក់ទៅៗក្នុងរយៈពេល ៣ ឆ្នាំចុងក្រោយនេះ។
របួសញាំញីរបស់ Militao គេឃើញរូបគេអវត្តមានសរុបចំនួន ១៥២ ប្រកួង និងបានចូលលេងតែ ១៩៤ ប្រកួតប៉ុណ្ណោះក្នុងរយៈពេល ៧ ឆ្នាំនេះ។
ប្រេស៊ីលស្ថិតក្នុងពូល C នៅ World Cup ដែលនឹងត្រូវប្រឈមជាមួយម៉ារ៉ុក ហៃទី និងស្កុតឡេន៕ អត្ថបទ៖នាង សុភាវុធ

