ប្រធានហិរញ្ញវត្ថុនៃអាជ្ញាធរព្រែកជីកប៉ាណាម៉ា បាននិយាយថា នាវាជាច្រើនគ្រឿងបន្ថែមទៀតប្រហែល ៣០០គ្រឿងបានឆ្លងកាត់ផ្លូវទឹកដែលតភ្ជាប់មហាសមុទ្រអាត្លង់ទិក និងប៉ាស៊ីហ្វិក ចាប់តាំងពីខែតុលា បើប្រៀបធៀបទៅនឹងរយៈពេលដូចគ្នា កាលពីឆ្នាំមុន។

លោក Victor Vial បាននិយាយនៅក្នុងកិច្ចប្រជុំមួយ ថា «ការរំពឹងទុក គឺថាការឆ្លងកាត់នេះនឹងបន្តរហូតដល់ស្ថានភាពនៅតំបន់មជ្ឈិមបូព៌ាត្រូវបានដោះស្រាយ»។

ការកើនឡើងចរាចរណ៍ កើតឡើងក្នុងពេលមានការបិទច្រកសមុទ្រ Hormuz ដោយនាវាពាណិជ្ជកម្មធ្វើដំណើរឆ្លងកាត់ព្រែកជីកប៉ាណាម៉ាដែលដឹកជញ្ជូនទំនិញ ត្រូវបានផ្លាស់ប្តូរផ្លូវទឹក ឬដើម្បីបញ្ចៀសផ្លូវទឹកនៅឆ្នេរសមុទ្រអ៊ីរ៉ង់។

តម្លៃជាមធ្យមដើម្បីឆ្លងកាត់ព្រែកជីកមានចន្លោះពី ៣០ម៉ឺនដុល្លារ ទៅ ៤០ម៉ឺនដុល្លារ អាស្រ័យលើនាវា ហើយសារព័ត៌មានAP បានរាយការណ៍កាលពីដើមសប្តាហ៍នេះថា នាវាមួយចំនួនកំពុងចំណាយប្រាក់រហូតដល់ ៤២៥.០០០ដុល្លារជាថ្លៃបន្ថែមដើម្បីធានាដល់ការឆ្លងកាត់នៅនាទីចុងក្រោយតាមរយៈផ្លូវទឹកនេះ។