ចៅក្រមស៊ើបសួរសាលាដំបូងរាជធានីភ្នំពេញ លោកតុប ឈុនសុង កាលពីថ្ងៃទី០៩ ខែឧសភា ឆ្នាំ២០២៦ បានចេញដីការសម្រេចឃុំខ្លួនឧក្រិដ្ឋជនជនបរទេស២២នាក់ ដាក់ពន្ធនាគារបណ្តោះអាសន្ន ពាក់ព័ន្ធនឹងឧក្រិដ្ឋកម្មឆបោកតាមប្រព័ន្ធបច្ចេកវិទ្យា Online Scams ។

ជនត្រូវចោទទាំង២២នាក់ មានជនជាតិចិន២០នាក់ និងរុស្ស៊ី០២នាក់ ត្រូវបានតំណាងអយ្យការធ្វើការចោទប្រកាន់ពីបទ « រៀបចំ ឬដឹកនាំមជ្ឈមណ្ឌលឆបោកតាមប្រព័ន្ធបច្ចេកវិទ្យា , ឆបោកតាមប្រព័ន្ធបច្ចេកវិទ្យា (Online Scam) ដោយរៀបចំជាក្រុមមានការចាត់តាំង » ។

គួរបញ្ជាក់ថា ឧក្រិដ្ឋជនបរទេសទាំង ២២នាក់ ត្រូវបាន កម្លាំងគណៈបញ្ជាការឯកភាពរាជធានីភ្នំពេញ បើកការឆ្មក់ចុះបង្ក្រាបនៅតាមទីតាំងផ្សេងៗគ្នា ក្នុងភូមិសាស្ត្ររាជធានីភ្នំពេញ កាលពីពេលថ្មីៗកន្លងទៅ ៕ លីហេង