ប្រធានាធិបតី លោក Donald Trump បន្តបដិសេធដែលថា លោកស្ថិតនៅក្រោមសម្ពាធណាមួយ ឬថាលោកចាំបាច់ត្រូវមានចំណាត់ការឱ្យបានឆាប់តាមដែលអាចធ្វើទៅបាន។ លោកកំពុងនិយាយថា លោកមានឆន្ទៈដើម្បីចំណាយពេលរបស់លោក។ លោកក៏ទទូចផងដែរថា សេដ្ឋកិច្ច នឹងវិលទៅរកភាពប្រក្រតី វិញ ហើយតម្លៃប្រេងនឹងធ្លាក់ចុះ នៅពេលសង្គ្រាមចប់។ ទោះជាយ៉ាងណា នៅតែមិនដឹងថា ពេលណាសង្គ្រាម នឹងចប់នោះទេ។

នោះជាក្តីបារម្ភយ៉ាងខ្លាំង សម្រាប់ពលរដ្ឋអាមេរិក ដែលកំពុងមើលឃើញការចំណាយក្នុងជីវភាពរស់នៅរបស់ពួកគេកើនឡើង។ វាពុំមែនគ្រាន់តែជាតម្លៃប្រេងឥន្ធនៈនៅស្ថានីយប្រេងឥន្ធនៈនោះទេ។ វាក៏ជាតម្លៃនៃទំនិញប្រើប្រាស់ប្រចាំថ្ងៃផងដែរ ដែលកំពុងកើនឡើង ដោយសារតែការកើនឡើងតម្លៃប្រេងម៉ាស៊ូត នាំឱ្យមានការកើនឡើងការចំណាយលើការដឹកជញ្ជូន ហើយជាការពិត វានាំឱ្យមានការកើនឡើងតម្លៃទំនិញ ដែលពលរដ្ឋអាមេរិកកំពុងទិញពីលើធ្នើរទំនិញ។

មានការយល់ដឹងក្នុងចំណោមសាធារណជនអំពីបញ្ហាសេដ្ឋកិច្ច បណ្តាលមកពីសង្គ្រាមដែលលោកប្រធានាធិបតី Trump បានចាប់ផ្តើម។ វាអាចមានការចំណាយលើផ្នែកនយោបាយ សម្រាប់លោកប្រធានាធិបតី Trump និងគណបក្សសាធារណរដ្ឋរបស់លោក ព្រោះពលរដ្ឋអាមេរិកភាគច្រើនចាត់ទុកលោកប្រធានាធិបតី Trump ថា ជាអ្នកទទួលខុសត្រូវចំពោះសង្គ្រាម និងចំពោះស្ថានភាពសេដ្ឋកិច្ចដ៏អាក្រក់ដែលពួកគេកំពុងជួបប្រទះកាន់តែខ្លាំងឡើង។