ប្រធានាធិបតីអាមេរិក លោក Donald Trump បាននិយាយកាលពីថ្ងៃអង្គារ ១២ ឧសភា​​ សប្ដា​ហ៍​​​ ថា លោកមិនគិតថាលោកនឹងត្រូវការជំនួយពីចិនដើម្បីបញ្ចប់សង្គ្រាមជាមួយអ៊ីរ៉ង់ទេ ទោះបីជាក្តីសង្ឃឹមសម្រាប់កិច្ចព្រមព្រៀងសន្តិភាពយូរអង្វែងបានរសាត់ឆ្ងាយ​​​​ ហើយទីក្រុងតេអេរ៉ង់រឹតបន្តឹងការគ្រប់គ្រងលើច្រកសមុទ្រ Hormuz របស់ខ្លួន​យ៉ាង​ណែន​​​​ ​ក៏ដោយ។​​​

មុនកិច្ចប្រជុំកំពូលដែលមានភាព​មិនច្បាស់លាស់ខ្ពស់នៅទីក្រុងប៉េកាំង លោក Trump បាននិយាយថា លោកមិនគិតថាលោកនឹងត្រូវចូលរួមជាមួយប្រធានាធិបតីចិន លោក Xi Jinping ដើម្បីដោះស្រាយជម្លោះ ដែលបានបន្តបិទចរាចរណ៍ផ្លូវសមុទ្រដែលជាធម្មតាផ្តល់ការផ្គត់ផ្គង់ប្រេងមួយភាគប្រាំរបស់ពិភពលោកនោះទេ​ ។​​​​​

លោកបានប្រាប់ក្រុម​អ្នក​​សារព័ត៌មានថា​ លោក​មិនគិតថាពួកលោក​​​ត្រូវការជំនួយណាមួយក្នុង​​បញ្ហា​​អ៊ីរ៉ង់ទេ។ ពួកលោក​នឹងឈ្នះ​តាមមធ្យោបាយមួយ ឬមធ្យោបាយផ្សេងទៀត ដោយសន្តិវិធី ឬវិធីផ្សេងទៀត។

ជាងមួយខែបន្ទាប់ពីបទឈប់បាញ់ដ៏ទន់ខ្សោយបានចូលជាធរមាន ភាគីទាំងពីរពុំ​​មានវឌ្ឍនភាពលើកិច្ចព្រមព្រៀងដែលនឹងបញ្ចប់អរិភាពនោះទេ។

លោក Trump ត្រូវ​បាន​គ្រោង​នឹង​ពិភាក្សា​អំពី​សង្គ្រាមនេះ​ជាមួយ​លោក Xi នៅ​សប្តាហ៍​នេះ ហើយ​គេ​រំពឹង​យ៉ាង​ទូលំទូលាយ​ថា​នឹង​ជំរុញ​​​ប្រទេស​ចិន​ឲ្យបញ្ចុះបញ្ចូល​ទីក្រុង​តេអេរ៉ង់​​ធ្វើ​កិច្ចព្រមព្រៀង​ជាមួយ​ទីក្រុង​វ៉ាស៊ីនតោន​ដើម្បី​បញ្ចប់​ជម្លោះនេះ​៕