ប្រធានាធិបតីអាមេរិក លោក ដូណាល់ ត្រាំ (Donald Trump) បាននិយាយកាលពីថ្ងៃអង្គារថា ការតស៊ូផ្នែកហិរញ្ញវត្ថុរបស់ជនជាតិអាមេរិក មិនមែនជាកត្តាមួយ នៅក្នុងការសម្រេចចិត្តរបស់លោកទេ ខណៈដែលលោកកំពុងស្វែងរកការចរចាបញ្ចប់សង្គ្រាមអ៊ីរ៉ង់ ដោយនិយាយថា ការរារាំងទីក្រុងតេអេរ៉ង់ពីការទទួលបានអាវុធនុយក្លេអ៊ែរ គឺជាអាទិភាពចម្បងរបស់លោក។

នៅពេលអ្នកយកព័ត៌មានម្នាក់សួរលោកថាតើស្ថានភាពហិរញ្ញវត្ថុរបស់ជនជាតិអាមេរិក បានជំរុញទឹកចិត្តលោកឲ្យសម្រេចបានកិច្ចព្រមព្រៀងកម្រិតណា លោក ត្រាំ បាននិយាយថា៖«ពុំបានសម្រេចអ្វីទាំង អស់»។

លោក ត្រាំ បាននិយាយមុនពេលចាកចេញពីសេតវិមានសម្រាប់ដំណើរទស្សនកិច្ចទៅកាន់ប្រទេសចិនថា៖«រឿងតែមួយគត់ដែលសំខាន់ នៅពេលដែលខ្ញុំកំពុងនិយាយអំពីអ៊ីរ៉ង់ គឺពួកគេមិនអាចមានអាវុធនុយ ក្លេអ៊ែរបានទេ»។ «ខ្ញុំមិនគិតអំពីស្ថានភាពហិរញ្ញវត្ថុរបស់ជនជាតិអាមេរិកទេ។ ខ្ញុំមិនគិតអំពីនរណាម្នាក់ទេ។ ខ្ញុំគិតអំពីរឿងមួយ៖ យើងមិនអាចអនុញ្ញាតឲ្យអ៊ីរ៉ង់មានអាវុធនុយក្លេអ៊ែរបានទេ ពោលគឺគ្មានអ្វីលើសពីនេះទេ។ នេះគឺជាបញ្ហាតែមួយគត់ ដែលជំរុញទឹកចិត្តខ្ញុំ»។

ការអត្ថាធិប្បាយរបស់លោក ត្រាំ ទំនងជាទាក់ទាញការត្រួតពិនិត្យពីអ្នករិះគន់ដែលអះអាងថា រដ្ឋ បាលនេះ គួរតែធ្វើឲ្យមានតុល្យភាពរវាងគោលបំណងភូមិសាស្ត្រនយោបាយជាមួយនឹងផលប៉ះពាល់សេដ្ឋកិច្ចលើជនជាតិអាមេរិក ជាពិសេសដោយសារតែការព្រួយបារម្ភអំពីការចំណាយលើការរស់នៅ នៅតែជាបញ្ហាចម្បងសម្រាប់អ្នកបោះឆ្នោត មុនការបោះឆ្នោតពាក់កណ្តាលអាណត្តិខែវិច្ឆិកា៕