ប្រជាជនវ៉េណេស៊ុយអេឡា បានច្រានចោលគំនិតដែលថាប្រទេសរបស់ពួកគេក្លាយជារដ្ឋទី៥១ របស់សហរដ្ឋអាមេរិក បន្ទាប់ពីប្រធានាធិបតី លោក Donald Trump បានចែករំលែករូបភាពប្រទេសរបស់ពួកគេមានផាត់ពណ៌ទង់ជាតិអាមេរិក។ លោក Trump បានចែករំលែករូបភាពក្រាហ្វិកនៅលើបណ្តាញ Truth Social កាលពីថ្ងៃអង្គារដែលបង្ហាញផែនទីរបស់ប្រទេសវ៉េណេស៊ុយអេឡាពេញទៅដោយទង់ជាតិអាមេរិកនៅក្រោមពាក្យថា «រដ្ឋទី៥១»។

លោក John Roberts ពិធីករព័ត៌មាន Fox News បាននិយាយថា លោក Trump បានប្រាប់លោកថា លោកកំពុង «ពិចារណាយ៉ាងម៉ត់ចត់» ក្នុងការធ្វើឱ្យប្រទេសវ៉េណេស៊ុយអេឡា ក្លាយជារដ្ឋទី៥១ របស់សហរដ្ឋអាមេរិក។ ប្រធានាធិបតីបណ្តោះអាសន្នវ៉េណេស៊ុយអេឡា លោកស្រី Delcy Rodriguez បានឆ្លើយតបនៅក្នុងសន្និសីទសារព័ត៌មាននៅទីក្រុងឡាអេ ថា ប្រជាជនវ៉េណេស៊ុយអេឡា «ស្រឡាញ់ដំណើរការឯករាជ្យ» ហើយនឹងបន្តការពារដែនអធិបតេយ្យភាពរបស់ខ្លួន។

លោកស្រី បាននិយាយបន្ថែមថា ប្រទេសវ៉េណេស៊ុយអេឡា មានប្រេងបម្រុងដែលត្រូវបានបញ្ជាក់ច្រើនបំផុតរបស់ពិភពលោក កំពុងបន្ត «របៀបវារៈនៃកិច្ចសហប្រតិបត្តិការផ្នែកការទូត»។

គ្រូបង្រៀនចូលនិវត្តន៍ម្នាក់និយាយថា ទំនាក់ទំនងជាមួយសហរដ្ឋអាមេរិក មានសារៈសំខាន់ ប៉ុន្តែប្រទេសវ៉េណេស៊ុយអេឡា គឺជាប្រទេសមានអធិបតេយ្យភាព ហើយការផ្លាស់ប្តូរណាមួយ «គួរតែត្រូវបានពិភាក្សា ពុំមែនបង្ខំដោយប្រើប្រាស់កម្លាំងនោះទេ»។