មន្ត្រីជាន់ខ្ពស់ម្នាក់បានប្រាប់សារព័ត៌មាន AFPថា អង្គការសហប្រជាជាតិអាចចិញ្ចឹមកុមារមួយលាននាក់បន្ថែមទៀតដែលមានហានិភ័យនៃកង្វះអាហារូបត្ថម្ភ នៅក្នុងប្រទេសអាហ្វហ្គានីស្ថាន ដោយសារជម្លោះរបស់ប្រទេសនេះជាមួយប៉ាគីស្ថាន និងសង្គ្រាមអ៊ីរ៉ង់ បានធ្វើឲ្យតម្លៃទំនិញ និងថ្លៃដឹកជញ្ជូនកើនឡើង ខ្ពស់ ។

ប្រទេសអាហ្វហ្គានីស្ថានបានឃើញការកើនឡើងនៃករណីកង្វះអាហារូបត្ថម្ភក្នុងឆ្នាំ ២០២៥ បន្ទាប់ពីគ្រោះរញ្ជួយដីដ៏សាហាវ គ្រោះមហន្តរាយអាកាសធាតុ និងការវិលត្រឡប់របស់ជនជាតិអាហ្វហ្គានីស្ថានរាប់លាននាក់ ដែលត្រូវបានបណ្តេញចេញពីអ៊ីរ៉ង់ និងប៉ាគីស្ថាន។

លោក Carl Skau អនុប្រធានប្រតិបត្តិនៃកម្មវិធីស្បៀងអាហារពិភពលោក (WFP) របស់UN បានប្រាប់ AFP ថា វាជាវិបត្តិអាហារូបត្ថម្ភនៅទីនេះ ក្នុងប្រទេសអាហ្វហ្គានីស្ថាន»។

«ការកើនឡើងវិបត្តិអាហារូបត្ថម្ភ កាលពីឆ្នាំមុន គឺអាក្រក់បំផុតដែលយើងធ្លាប់បានឃើញ។ វាកាន់តែអាក្រក់ឡើង នៅឆ្នាំនេះ»។

WFP បានប៉ាន់ប្រមាណកាលពីខែមករាថា ស្ត្រី និងកុមារ ៥លាននាក់ នៅក្នុងប្រទេសអាហ្វហ្គានីស្ថាន ក្នុងចំណោមប្រជាជនជាង ៤០ លាននាក់ នឹងជួបប្រទះនឹងកម្រិតកង្វះអាហារូបត្ថម្ភ ដែលគំរាមកំហែងដល់អាយុជីវិត នៅឆ្នាំនេះ៕