ប្រធានាធិបតីសហរដ្ឋអាមេរិក លោក Donald Trump បានព្រមានអ៊ីរ៉ង់ថា ប្រទេសនេះត្រូវតែឈានដល់កិច្ចព្រមព្រៀងផ្នែកការទូតជាមួយទីក្រុងវ៉ាស៊ីនតោន បើមិនដូច្នេះទេប្រឈមនឹងការបំផ្លិចបំផ្លាញទាំងស្រុង ដោយបានបញ្ជាក់ថា «ពួកគេអាចឈានដល់កិច្ចព្រមព្រៀង បើមិនដូច្នេះ ពួកគេនឹងត្រូវបំផ្លាញចោល»។

ថ្លែងទៅកាន់ប្រព័ន្ធផ្សព្វផ្សាយរបស់សហរដ្ឋអាមេរិក លោក Trump បាននិយាយថា លោកសង្ឃឹមថា អ៊ីរ៉ង់កំពុងមើលបទសម្ភាសន៍របស់លោក។

លោក Trump បាននិយាយថា លោកសង្ឃឹមថាអ៊ីរ៉ង់កំពុងមើលបទសម្ភាសន៍។ យើងដឹងច្បាស់ពីអ្វីដែលអ៊ីរ៉ង់ធ្វើ» ដោយពន្យល់ថា ទីក្រុងតេអេរ៉ង់ បានយកអាវុធមួយចំនួនរបស់ខ្លួនចេញមក។ លោក និយាយថា «ពួកគេបានយកមីស៊ីលមួយចំនួនចេញពីក្រោមដី។ វានឹងរលាយបាត់ទាំងអស់ក្នុងរយៈពេលមួយថ្ងៃ»។

ប្រធានាធិបតីអាមេរិក ក៏បានផ្តល់ការវាយតម្លៃចម្រុះអំពីរដ្ឋបាលអ៊ីរ៉ង់បច្ចុប្បន្ន ដោយបង្ហាញពីការផ្លាស់ប្តូរទស្សនៈរបស់លោកចំពោះបែបផែនផ្នែកការទូតរបស់ពួកគេ។

នៅពេលត្រូវបានសួរក្នុងអំឡុងពេលបទសម្ភាសន៍អំពីភាពចាំបាច់នៃការទាញយកសារធាតុអ៊ុយរ៉ានីញ៉ូមដែលចម្រាញ់រួចចេញពីទឹកដីអ៊ីរ៉ង់ លោក Trump បានលើកឡើងថា ចំណាត់ការនេះ ទាក់ទងនឹងការពិនិត្យមើល ព្រមទាំងសន្តិសុខផងដែរ។