រដ្ឋាភិបាលប្រទេសបូលីវី បានចោទប្រកាន់សម្ព័ន្ធមិត្តរបស់អតីតប្រធានាធិបតី លោក Evo Morales ថានៅពីក្រោយភាពវឹកវរក្នុងសង្គមដែលបាននាំមកនូវវិស័យផ្សេងៗគ្នាចេញធ្វើបាតុកម្មនៅតាមដងផ្លូវ និងបានសន្យាថានឹងការពារលទ្ធិប្រជាធិបតេយ្យ។

ការផ្ទុះជាច្រើន ត្រូវបានគេឮក្នុងអំឡុងពេលប៉ះទង្គិចគ្នាដោយហិង្សានៅទីក្រុង La Paz កាលពីថ្ងៃព្រហស្បតិ៍ ខណៈក្រុមកម្មករអណ្តូងរ៉ែ បានចេញធ្វើបាតុកម្ម ដោយអំពាវនាវឱ្យប្រធានាធិបតីនិយមកណ្តាល លោក Rodrigo Paz លាលែងពីតំណែង។

ក្រុមបាតុករមួយចំនួន បានអំពាវនាវឱ្យប្រធានាធិបតីលាលែងពីតំណែងដែលមានរយៈពេលត្រឹមតែ៦ខែបន្ទាប់ពីលោកបានស្បថចូលកាន់តំណែង។ លោក Paz បានទទួលជ័យជម្នះក្នុងការបោះឆ្នោតកាលពីឆ្នាំមុន ដោយសន្យាថានឹងធ្វើកំណែទម្រង់ដ៏ងាយស្រួលសម្រាប់ទីផ្សារ ដើម្បីទាញប្រទេសនេះចេញពីវិបត្តិសេដ្ឋកិច្ចដ៏អាក្រក់បំផុតរបស់ខ្លួន ។

ក្រុមកម្មកររ៉ែប្រទេសបូលីវី បានគប់ផាវ និងប៉ះទង្គិចជាមួយនគរបាលនៅទីក្រុង La Paz ដោយក្រុមបាតុករបានព្យាយាមសម្រុកទៅកាន់ការិយាល័យអនុប្រធានាធិបតី ខណៈកម្មកររ៉ែម្នាក់ដែលត្រូវបានសម្ភាសន៍ដោយទីភ្នាក់ងារសារព័ត៌មានរ៉យទ័រ បានសន្យាថានឹងបង្ខំឲ្យលោកប្រធានាធិបតី Rodrigo Paz លាចេញពីតំណែងតាមមធ្យោបាយណាមួយ។