គ្រូបង្រៀនរាប់ពាន់នាក់ នៅក្នុងប្រទេសម៉ិកស៊ិក បានធ្វើបាតុកម្មនៅ​ថ្ងៃ​ប្រារព្ធទិវាគ្រូបង្រៀនជាតិ កាល​ពី​ថ្ងៃសុក្រ (ទី១៥ ខែឧសភា ឆ្នាំ២០២៦) ដោយទាមទារឲ្យ​មានការកែលម្អឲ្យ​កាន់​តែ​ប្រសើរ​ឡើង​ ពាក់​ព័ន្ធ​នឹង​​ប្រាក់ខែ​ និងលក្ខខណ្ឌប្រាក់សោធននិវត្តន៍។

ការតវ៉ាដែលរៀបចំដោយក្រុម​​សម្របសម្រួលជាតិនៃបុគ្គលិក​អប់រំ (CNTE) បានធ្វើឡើងនៅក្នុងទីក្រុងជាច្រើន ជាពិសេសនៅក្នុងរដ្ឋធានីរបស់​ម៉ិកស៊ិក ជាកន្លែងដែលក្រុមបាតុករបានដង្ហែក្បួនដោយ​មាន​បដា និងផ្ទាំង​ពាក្យស្លោក​តវ៉ា ឆ្ពោះទៅកាន់ទីលាន Zocalo។

ក្រុមបាតុករបានអំពាវនាវឲ្យ​រដ្ឋាភិបាលដំឡើង​ប្រាក់ឈ្នួល និងកែទម្រង់ប្រព័ន្ធប្រាក់សោធននិវត្តន៍។ អំឡុង​ពេល​ថ្លែងទៅកាន់ប្រព័ន្ធផ្សព្វផ្សាយក្នុងស្រុក បាតុករម្នាក់ក្រុម​បានចោទប្រកាន់រដ្ឋបាលរបស់លោកស្រី​ប្រធានាធិបតី Claudia Sheinbaum ថា មិនបានបំពេញតាមការសន្យារបស់ខ្លួនឡើយ​។

ជាមួយ​គ្នានេះ ក្រុមបាតុករបានប្រកាសថា ពួកគេបានត្រៀមជាស្រេច ដើម្បីចាប់ផ្តើមធ្វើ​កូដកម្មទូទាំងប្រទេស នៅថ្ងៃទី១១ ខែមិថុនា ក្នុងអំឡុងពេលមាន​ការ​ប្រកួត​បាល់ទាត់ពិភពលោកឆ្នាំ២០២៦ (2026 FIFA World Cup) ជា​ព្រឹត្តិការណ៍ នឹងត្រូវធ្វើសហម្ចាស់ផ្ទះ ដោយសហរដ្ឋអាមេរិក កាណាដា និងម៉ិកស៊ិក ចាប់ពីថ្ងៃទី១១ ខែមិថុនា ដល់ថ្ងៃទី១៩ ខែកក្កដា៕