យោងតាមតួលេខផ្លូវការ ជនភៀសខ្លួនស៊ីរីជាង ១២០.០០០នាក់ នៅក្នុងប្រទេសលីបង់ បានវិលត្រឡប់ទៅស្រុកកំណើតរបស់ពួកគេ នៅក្នុងសាធារណរដ្ឋអារ៉ាប់ស៊ីរី ក្នុងរយៈពេល ៤ខែ ដំបូងនៃឆ្នាំ ២០២៦។

ការវិលត្រឡប់នេះ បានកើតឡើង ស្របពេលមានបទឈប់បាញ់ដ៏ផុយស្រួយរវាងសហរដ្ឋអាមេរិក និងអ៊ី រ៉ង់ និងរវាងក្រុមហេសបូឡា និងអ៊ីស្រាអែល ចាប់តាំងពីដើមខែមេសា។ បច្ចុប្បន្ននេះ ជនភៀសខ្លួនស៊ីរីចំនួន ៤៩០.៤២៤នាក់ ត្រូវបានចុះបញ្ជីជាមួយក្រុមប្រឹក្សាសិទ្ធិមនុស្សអង្គការសហប្រជាជាតិ នៅប្រទេស លីបង់។

រដ្ឋាភិបាលលីបង់ប៉ាន់ប្រមាណថា មនុស្សជិត ១,១២ លាននាក់ បានរត់គេចខ្លួនពីសង្គ្រាមស៊ីវិល នៅក្នុងប្រទេសស៊ីរី ដែលមានចាប់ពីឆ្នាំ ២០១១ ដល់ឆ្នាំ ២០២៤។

លោក Mazen Alloush ប្រធានទំនាក់ទំនងសាធារណៈនៅអាជ្ញាធរព្រំដែន និងគយនៃប្រទេសស៊ីរី បាននិយាយថា មនុស្សប្រហែល ១,២៦ លាននាក់ បានមកដល់ពីប្រទេសលីបង់ ចាប់តាំងពីខែមករា ក្នុងនោះមានជនភៀសខ្លួនស៊ីរីចំនួន ១២០.000នាក់ ផងដែរ។

សរុបមក មនុស្សជាង ៣,៤លាននាក់ បានឆ្លងកាត់ព្រំដែនស៊ីរីក្នុងអំឡុងពេលដូចគ្នា។ នេះបើយោងតាមទីភ្នាក់ងារសារព័ត៌មានអារ៉ាប់ស៊ីរី៕