នាយករដ្ឋមន្ត្រីអ៊ីស្រាអែល លោក បេនចាមី ណេតាន់យ៉ាហ៊ូ (Benjamin Netanyahu) និងប្រធានាធិបតីអាមេរិក លោក ដូណាល់ ត្រាំ ( Donald Trump) កាលពីថ្ងៃអាទិត្យ បានពិភាក្សាអំពីលទ្ធភាពនៃការបន្តការប្រយុទ្ធប្រឆាំងនឹងអ៊ីរ៉ង់តាមទូរស័ព្ទ។ នេះបើយោងតាមការចុះផ្សាយរបស់ទូរទស្សន៍ Kan TV ដែលគ្រប់គ្រងដោយរដ្ឋអ៊ីស្រាអែល។

ដោយដកស្រង់សម្តីមន្ត្រីជាន់ខ្ពស់អ៊ីស្រាអែលម្នាក់ ទូរទស្សន៍នេះបាននិយាយថា សហរដ្ឋអាមេរិកត្រូវបានគេរំពឹងថា នឹងធ្វើការវាយប្រហាររួមគ្នាជាមួយអ៊ីស្រាអែល ប្រសិនបើប្រទេសនេះបន្តសង្គ្រាមប្រឆាំងនឹង អ៊ីរ៉ង់។

មន្ត្រីរដ្ឋាភិបាលម្នាក់បានប្រាប់ទីភ្នាក់ងារសារព័ត៌មានស៊ីនហួថា នៅពេលល្ងាចថ្ងៃអាទិត្យ លោក ណេតាន់យ៉ាហ៊ូ បានកោះប្រជុំគណៈរដ្ឋមន្ត្រី ក្នុងអំឡុងពេលនោះ សមរភូមិជាច្រើនដែលអ៊ីស្រាអែល កំពុងប្រយុទ្ធត្រូវបានពិភាក្សា។

ការវិវត្តនេះ បានកើតឡើងបន្ទាប់ពីលោក ត្រាំ បានផ្តល់សញ្ញាថា ទីក្រុងវ៉ាស៊ីនតោនអាចបង្កើនការប្រឈមមុខដាក់គ្នាជាមួយអ៊ីរ៉ង់ ដោយព្រមាននៅក្នុងការបង្ហោះមួយនៅលើវេទិកាប្រព័ន្ធផ្សព្វផ្សាយសង្គមរបស់លោកថា៖«សម្រាប់អ៊ីរ៉ង់ ពេលវេលាកំពុងរំកិលទៅមុខ ហើយពួកគេគួរតែធ្វើសកម្មភាពឲ្យបានលឿន បើមិនដូច្នោះទេ ពួកគេនឹងមិនមានអ្វីនៅសល់ឡើយ»។

អ៊ីរ៉ង់ សហរដ្ឋអាមេរិក និងអ៊ីស្រាអែល បានឈានដល់បទឈប់បាញ់ នៅថ្ងៃទី ០៨ ខែមេសា បន្ទាប់ពីការប្រយុទ្ធគ្នារយៈពេល ៤០ថ្ងៃ ដែលបានចាប់ផ្តើមជាមួយនឹងការវាយប្រហាររបស់សហរដ្ឋអាមេរិក និងអ៊ីស្រាអែលលើអ៊ីរ៉ង់ នៅថ្ងៃទី ២៨ ខែកុម្ភៈ៕