យានដ្រូនរុស្ស៊ី បានវាយប្រហារនាវា ២គ្រឿងនៅក្នុងសមុទ្រខ្មៅ ដែលកំពុងធ្វើដំណើរទៅកាន់កំពង់ផែនៅតំបន់ Odesa របស់អ៊ុយក្រែន រួមទាំងនាវាដឹកទំនិញរបស់ចិនមួយគ្រឿងផងដែរ រយៈពេល ១ថ្ងៃប៉ុណ្ណោះ មុនដំនោះរទស្សនកិច្ចរបស់ប្រធានាធិបតីរុស្ស៊ីលោក Vladimir Putin ទៅកាន់ទីកុ្រងប៉េកាំង ដើម្បីជួបជាមួយប្រធានាធិបតីចិនលោក Xi Jinping ។

អាជ្ញាធរកំពង់ផែអ៊ុយក្រែន និយាយថាការវាយប្រហារនេះ ត្រូវចំនាវាស៊ីវិល ២គ្រឿង នាថ្ងៃចន្ទនេះ នាវាមួយគ្រឿងដោតទង់ជាតិប្រទេសកោះម៉ាស្សល និងនាវាមួយគ្រឿងទៀតដោតទង់ជាតិហ្គីណេ-ប៊ីស្សូ ដែលនាវាទាំង ២គ្រឿងនេះ កំពុងធ្វើដំណើរទៅកាន់កំពង់ផែនៅតំបន់ Odesa ។

កងទ័ពជើងទឹកអ៊ុយក្រែន រាយការណ៍ការវាយប្រហារលើនាវា KSL Deyang គឺជានាវាដឹកទំនិញគ្រប់គ្រងដោយចិន បណ្តាលឲ្យមានការឆាបឆេះដោយអន្លើរ ។

រុស្ស៊ីតែងតែវាយប្រហារនាវាស៊ីវិលនៅកំពង់ផែ Odesa គឺជាមជ្ឈមណ្ឌលសមុទ្រដ៏សំខាន់មួយសម្រាប់ការនាំចេញកសិកម្មអ៊ុយក្រែន ចាប់តាំងពីពួកគេវាយលុកពេញបន្ទុកលើអ៊ុយក្រែន កាលពីរយៈពេល ៤ឆ្នាំមុន ។

ការវាយប្រហារនៅថ្ងៃចន្ទនេះ បានកើតមានឡើង មុនដំណើរទស្សនកិច្ចរយៈពេល ២ថ្ងៃរបស់លោក Putin ទៅកាន់ទីក្រុងប៉េកាំង ជាទីដែលលោកមាននូវជំនួបជាមួយលោក Xi ៕