ប្រធាន​មជ្ឈមណ្ឌល​​​​​គ្រប់គ្រង ​និង​​ទប់ស្កាត់​​ជំងឺ​​អាហ្រ្វិក​​​បានប្រាប់​ទូរទស្សន៍​ BBC ​ថា មនុស្សស្លាប់​យ៉ាងហោចណាស់​១០០នាក់​ត្រូវ​បាន​រាយការណ៍​ក្នុង​​​ការ​ផ្ទុះ​ឡើង​នៃ​ជំងឺ ​អេបូឡា (Ebola) ​នៅ​សាធារណរដ្ឋ​ប្រជាធិបតេយ្យ​កុងហ្គោ ដោយ​មាន​ករណី​សង្ស័យ​ជាង៣៩០នាក់​​។​

លោក Jean Kaseya ប្រធាន​មជ្ឈមណ្ឌល​​​​​គ្រប់គ្រង ​និង​​ទប់ស្កាត់​​ជំងឺអាហ្រ្វិក​​​ បាន​ព្រមាន​ថា ដោយ​គ្មាន​ថ្នាំ​ឬ​វ៉ាក់សាំង​ដែល​ត្រូវ​បាន​អនុម័ត មនុស្ស​គួរតែ​អនុវត្ត​តាម​វិធានការ​សុខភាព​សាធារណៈ រួម​ទាំង​នៅ​ក្នុង​ពិធីបុណ្យសព​របស់​ជនរងគ្រោះ​ដោយសារ​ជំងឺ​អេបូឡា​ផង​ដែរ។

មជ្ឈមណ្ឌល​គ្រប់គ្រង​និង​បង្ការ​ជំងឺ​សហរដ្ឋអាមេរិក (CDC) និយាយ​ថា មាន​ករណីឆ្លង​​ពីរ​ដែល​ត្រូវ​បាន​បញ្ជាក់​និង​មាន​អ្នក​ស្លាប់​ម្នាក់​នៅ​អ៊ូហ្គង់ដា។   

អង្គការ​សុខភាព​ពិភពលោក (WHO) បាន​ប្រកាស​ថា ការ​ផ្ទុះ​ឡើង​នៃ​ប្រភេទ​ជំងឺ​អេបូឡា​បច្ចុប្បន្ន ដែល​បង្ក​ឡើង​ដោយ​វីរុស​​ Bundibugyo ជាគ្រា​​អាសន្ន​អន្តរជាតិសម្រាប់សុខភាពសាធារណៈសកល។​

មជ្ឈមណ្ឌល​គ្រប់គ្រង​និង​បង្ការ​ជំងឺ​សហរដ្ឋអាមេរិក ​បាននិយាយថា​វេជ្ជបណ្ឌិត​អាមេរិក​ម្នាក់​នៅ​សាធារណរដ្ឋ​ប្រជាធិបតេយ្យ​កុងហ្គោ ​ស្ថិតក្នុងចំណោម​​​​ករណី​ឆ្លង​​​ត្រូវ​បាន​បញ្ជាក់ ​ជា​ក្រុមបេសកកម្ម​​​​​​វេជ្ជសាស្ត្រ​ដែល​ពួកគេ​កំពុង​ធ្វើការ​ជាមួយ។​ ​​​​

ពួកគេ​បាន​ប្រាប់សារព័ត៌មាន​ CBS News ដែល​ជា​ដៃគូ​របស់ប្រព័ន្ធផ្សព្វផ្សាយ​ BBC នៅ​សហរដ្ឋអាមេរិក​ថា វេជ្ជបណ្ឌិត​អាមេរិក​​រូប​នោះ ដែល​មិន​ត្រូវ​បាន​បញ្ចេញ​ឈ្មោះ ​​​នឹង​ត្រូវ​បាន​នាំ​ទៅ​ប្រទេស​អាល្លឺម៉ង់​ដើម្បី​ព្យាបាល៕