ប្រធានាធិបតីអ៊ីរ៉ង់ លោក Masoud Pezeshkian បានថ្លែងថា ការសន្ទនាជាមួយសហរដ្ឋអាមេរិក មិនមានន័យថា ចុះចាញ់ទេ ហើយទីក្រុងតេអេរ៉ង់នឹងបន្តការពារសិទ្ធិស្របច្បាប់របស់ខ្លួន។

លោកបានសរសេរនៅលើទំព័រ X របស់លោកថា៖«ការសន្ទនាមិនមានន័យថា ចុះចាញ់ទេ។ សាធារណរដ្ឋឥស្លាម ចូលទៅក្នុងការសន្ទនាដោយសេចក្តីថ្លៃថ្នូរ សិទ្ធិអំណាច និងការរក្សាសិទ្ធិរបស់ប្រទេសជាតិ។ មិនថាក្នុងកាលៈទេសៈណាក៏ដោយ ខ្លួននឹងមិនដកថយពីសិទ្ធិស្របច្បាប់របស់ប្រជាជន និងប្រទេសឡើយ។ យើងនឹងបម្រើប្រជាជនដោយមានហេតុផលត្រឹមត្រូវ និងដោយកម្លាំងទាំងអស់របស់យើង រហូតដល់ទីបញ្ចប់ និងការពារផលប្រយោជន៍ និងកិត្តិយសរបស់អ៊ីរ៉ង់»។

សហរដ្ឋអាមេរិក និងអ៊ីស្រាអែល បានចាប់ផ្តើមប្រតិបត្តិការយោធាប្រឆាំងនឹងអ៊ីរ៉ង់ នៅថ្ងៃទី២៨ ខែកុម្ភៈ។ នៅថ្ងៃទី ០៧ ខែមេសា ប្រធានាធិបតីអាមេរិក លោក ដូណាល់ ត្រាំ (Donald Trump) បានប្រកាសបទឈប់បាញ់រយៈពេលពីរសប្តាហ៍ជាមួយអ៊ីរ៉ង់។ នៅថ្ងៃទី១១ ខែមេសា អ៊ីរ៉ង់ និងសហរដ្ឋអាមេរិក បានធ្វើកិច្ចចរចាជាច្រើនជុំនៅទីក្រុងអ៊ីស្លាម៉ាបាដនៃប្រទេសប៉ាគីស្ថាន ទោះជាយ៉ាងណាក៏ដោយ ភាគីទាំងពីរក្រោយមកបានរាយការណ៍ថា ពួកគេមិនអាចឈានដល់កិច្ចព្រមព្រៀងលើការដោះស្រាយជម្លោះរយៈពេលវែងបានទេ ដោយសារតែមិនឯកភាពគ្នាលើចំណុចមួយចំនួន។ នៅថ្ងៃទី២១ ខែមេសា លោក ត្រាំ បានប្រកាសពីចេតនារបស់លោក ក្នុងការបន្តបទឈប់បាញ់ជាមួយអ៊ីរ៉ង់៕