រដ្ឋបាលរបស់ប្រធានាធិបតីអាមេរិក ដូណាល់ ត្រាំ កំពុងកំពុងផ្លាស់ប្តូរឈានទៅរកលទ្ធភាពនៃការប្រើប្រាស់កម្លាំងយោធាប្រឆាំងនឹងប្រទេសគុយបា។ នេះបើយោងតាមរបាយការណ៍របស់សារព័ត៌មាន Politico ចេញផ្សាយកាលពីថ្ងៃចន្ទ។

យោងតាមប្រភពមួយរបស់សារព័ត៌មាននេះ លោក ត្រាំ និងជំនួយការរបស់លោក មានការខកចិត្តយ៉ាងខ្លាំងចំពោះយុទ្ធនាការដាក់សម្ពាធរបស់សហរដ្ឋអាមេរិក ដែលរួមមានការរាំងខ្ទប់ប្រេងឥន្ធនៈពីការចូលទៅដល់កោះនេះ មិនបាននាំឲ្យមេដឹកនាំគុយបាយល់ព្រមលើកំណែទម្រង់សេដ្ឋកិច្ច និងនយោបាយសំខាន់ៗនោះទេ។ ដូច្នេះ ពួកគេកំពុងយកជម្រើសយោធាយ៉ាងម៉ត់ចត់ជាងពេលមុនៗ»។

យោងតាមប្រភពរបស់កាសែតនេះ ថ្នាក់ដឹកនាំអាមេរិកដំបូងឡើយ បានសង្ឃឹមថា សម្ពាធទណ្ឌកម្ម ការបិទផ្លូវប្រេង និងប្រតិបត្តិការប្រឆាំងនឹងប្រទេសវ៉េណេស៊ុយអេឡា និងអ៊ីរ៉ង់ នឹងជំរុញអាជ្ញាធរគុយបាឲ្យ ឈានដល់កិច្ចព្រមព្រៀងមួយ។

កាសែត Politico កត់សម្គាល់ថា អាជ្ញាធរអាមេរិកកំពុងពិចារណា ក្នុងចំណោមជម្រើសផ្សេងទៀត ការចាប់ខ្លួនមេដឹកនាំបដិវត្តន៍គុយបា លោកឧត្តមសេនីយ៍ Raul Castro។

Politico បានសរសេរថា៖«ចំណាត់ការបែបនេះ បាននាំឲ្យមានការរំពឹងទុកមួយចំនួនថា សហរដ្ឋអាមេរិកអាចអនុវត្តប្រតិបត្តិការទាញយកយោធាប្រឆាំងនឹងលោក Castro ដូចគ្នានឹងអ្វីដែលខ្លួនបានធ្វើប្រឆាំងនឹងមេដឹកនាំវ៉េណេស៊ុយអេឡា លោក នីកូឡាស ម៉ាឌូរ៉ូ (Nicolas Maduro) កាលពីខែមករា៕