នាវាដឹកជំនួយមនុស្សធម៌ពីម៉ិកស៊ិក បានធ្វើដំណើរទៅដល់ទីក្រុងឡាហាវ៉ាន់ ស្របពេលដែលប្រទេសគុយបានប្រឈមនឹងវិបត្តិកើនឡើង បន្ទាប់ពីសហរដ្ឋអាមេរិកកាត់ផ្តាច់ការផ្គត់ផ្គង់ថាមពលរបស់ពួកគេ ។

សារព័ត៌មានគុយបារាយការណ៍ថា គ្រឿងផ្គត់ផ្គង់ទម្ងន់ ១,៧តោន បានធ្វើដំណើរទៅដល់តាមនាវា Asian Katra ជាមួយនឹងជំនួយផ្សេងទៀតពីប្រទេសអ៊ុយរុយហ្គាយ ។

កាលពីថ្ងៃទី ១១ ខែឧសភា ប្រធានាធិបតីម៉ិកស៊ិក បានប្រកាសការចែកចាយជំនួយមនុស្សធម៌ថ្មីទៅកាន់ប្រទេសកោះមួយនេះ ។

ក្នុងរយៈពេលប៉ុន្មានសប្តាហ៍ចុងក្រោយនេះ ប្រេងឥន្ធនៈបានដាច់ស្តុក ហើយចរន្តអគ្គិសនីមានរយៈពេល ១ម៉ោង ឬ ២ម៉ោងប៉ុណ្ណោះ ក្នុង ១ថ្ងៃ ។

ភាពតានតឹងរវាងគុយបា និងសហរដ្ឋអាមេរិក បានកើនឡើងយ៉ាងឆាប់រហ័សនៅក្នុងរយៈពេលប៉ុន្មានថ្ងៃកន្លងមកនេះ ។

យោងតាមប្រភពមួយរបស់សារព័ត៌មាន Politico បានឲ្យដឹងថា ប្រធានាធិបតីសហរដ្ឋអាមេរិកលោក Donald Trump និងជំនួយការរបស់លោក មានការខកចិត្តយ៉ាងខ្លាំងចំពោះយុទ្ធនាការដាក់សម្ពាធរបស់សហរដ្ឋអាមេរិក ដែលរួមមានការរាំងខ្ទប់ប្រេងឥន្ធនៈពីការចូលទៅដល់កោះនេះ មិនបាននាំឲ្យមេដឹកនាំគុយបាយល់ព្រមលើកំណែទម្រង់សេដ្ឋកិច្ច និងនយោបាយសំខាន់ៗនោះទេ ដូច្នេះហើយ ពួកគេកំពុងយកជម្រើសយោធាយ៉ាងម៉ត់ចត់ជាងពេលមុនៗ ៕