លោក​ប្រធានាធិបតី Donald Trump បាននិយាយកាលពីថ្ងៃអង្គារ ១៩​​ ឧសភា​ សប្ដាហ៍​នេះ​​ថា សហរដ្ឋអាមេរិក ប្រហែលជាត្រូវវាយប្រហារអ៊ីរ៉ង់ម្តងទៀត ហើយថា លោកមានពេលមួយម៉ោងទៀតដើម្បីបញ្ជាឱ្យវាយប្រហារ មុនពេលពន្យារពេល។​

លោក Trump បានធ្វើអត្ថាធិប្បាយបែប​​​នេះមួយថ្ងៃបន្ទាប់ពីនិយាយថា លោកបានផ្អាកការបន្តអរិភាពដែលបានគ្រោងទុក បន្ទាប់ពីសំណើថ្មីរបស់ទីក្រុងតេអេរ៉ង់ ដើម្បីបញ្ចប់សង្គ្រាមអាមេរិក-អ៊ីស្រាអែល។

លោក Trump បានប្រាប់ក្រុមអ្នកសារ​​ព័ត៌មាននៅសេតវិមានកាលពីថ្ងៃអង្គារថា រូប​​លោក​​នៅពេលមួយម៉ោងទៀត ដើម្បីធ្វើការសម្រេចចិត្តទៅថ្ងៃនេះ។

លោកបាននិយាយថា មេដឹកនាំអ៊ីរ៉ង់កំពុងអង្វរសុំកិច្ចព្រមព្រៀង ដោយបន្ថែមថា ការវាយប្រហារថ្មីរបស់សហរដ្ឋអាមេរិកនឹងកើតឡើងក្នុងរយៈពេលប៉ុន្មានថ្ងៃខាងមុខ ប្រសិនបើមិនមានកិច្ចព្រមព្រៀងណាមួយត្រូវបានសម្រេច។

សហរដ្ឋអាមេរិកបាននិងកំពុងប្រឹងប្រែ​ង​ដើម្បីបញ្ចប់សង្គ្រាមដែលខ្លួន​​បានចាប់ផ្តើមជាមួយអ៊ីស្រាអែលជិតបីខែមុន។ កន្លងមក​​ លោក Trump ធ្លាប់​បាននិយាយថា កិច្ចព្រមព្រៀងជាមួយទីក្រុងតេអេរ៉ង់គឺជិតដល់ហើយ ទន្ទឹម​​នឹង​ការ​គំរាមវាយប្រហារយ៉ាងចាស់ដៃ​លើអ៊ីរ៉ង់ ប្រសិនបើមិនឈានដល់កិច្ចព្រមព្រៀងទេ​នោះ។

ប្រធានាធិបតីសហរដ្ឋអាមេរិករូបនេះ​ ​​​​​​កំពុងស្ថិតនៅក្រោមសម្ពាធនយោបាយយ៉ាងខ្លាំងនៅក្នុងប្រទេសដើម្បីឈានដល់កិច្ចព្រមព្រៀងមួយ ដែលនឹងបើកច្រកសមុទ្រ Hormuz ឡើងវិញ ​ជាផ្លូវទឹក​ដ៏​​សំខាន់មួយសម្រាប់ការផ្គត់ផ្គង់ប្រេង និងទំនិញផ្សេងៗទៀតនៅទូទាំងពិភពលោក ស្របពេល​តម្លៃ​ប្រេង​​ និង​ឧស្ម័ននៅតែខ្ពស់ ៕