ភ្នំពេញ៖ នាយឧត្តមសេនីយ៍ ទៀ សីហា ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិកម្ពុជា បានអះអាងថាយុវជនដែលជាប់កាតព្វកិច្ចយោធានឹងធ្វើការបណ្តុះបណ្តាលដល់ពួកគេឲ្យបានក្លាយជាធនធានមនុស្សរបស់ជាតិហើយក្នុងពេលដែលប្រទេសជាតិមានអាសន្ននោះ ពួកគាត់ទំាងនោះអាចជាកម្លាំងជួយដល់វិស័យការពារជាតិយើង។

ថ្លែងប្រាប់ទូរទស្សន៍ BTV នាព្រឹកថ្ងៃទី២០ ខែឧសភា ឆ្នាំ២០២៦នេះ ក្រោយព្រឹទ្ធសភាកម្ពុជាសម្រេចអនុម័តសេចក្តីព្រាងច្បាប់ ស្ដីពី«កាតព្វកិច្ចយោធា»នោះឯកឧត្តមនាយឧត្តមនាយឧត្តមសេនីយ៍ឯក ទៀ សីហា បានបញ្ជាក់ថា សេចក្តីព្រាងច្បាប់ស្តីពីកាតព្វកិច្ចយោធានេះនឹងអនុវត្តប្រកបដោយតម្លា ភាព និងគណនេយ្យភាពដូចទៅតាមការសំណូមពររបស់សមាជិកនៃព្រឹទ្ធសភាយ៉ាងដូច្នេះដែរ ហើយក្រសួងការពារជាតិនឹងធ្វើការព្រាងនូវអនុក្រឹត្យជាបន្តបន្ទាប់ ដើម្បីការពារដល់យុវជនជំនាន់ថ្មី នឹងអាចបានអនុវត្តកាតព្វកិច្ចយោធានេះឲ្យបានមានប្រសិទ្ធភាព ជាពិសេសគឺការផ្តល់ឱកាសដល់យុវជនជំនាន់ថ្មីនេះមានការរួមចំណែកក្នុងការការពារជាតិមាតុភូមិ។

ប្រមុខការពារជាតិកម្ពុជា បានប្ដេជ្ញាចិត្តចំពោះមុខព្រឹទ្ធសភាដែលបានសម្រេចអនុម័តសេចក្ដីព្រាងច្បាប់ស្ដីពីកាតព្វកិច្ចយោធានៅថ្ងៃនេះថា នឹងយកច្បាប់នេះទៅអនុម័តឱ្យមានតម្លាភាព និងគណនេយ្យភាព, ខណៈរាជរដ្ឋាភិបាលនឹងមានអនុក្រឹត្យជាបន្តបន្ទាប់ ដើម្បីការពារដល់យុវជនជំនាន់ថ្មីនេះឱ្យបានអនុវត្តការតព្វកិច្ចយោធាឱ្យមានប្រសិទ្ធភាព ជាពិសេសជាការផ្ដល់ឱកាសដល់យុវជនជំនាន់ថ្មី មានការរួមចំណែកក្នុងការពារជាតិ និងមាតុភូមិរបស់យើង។ ប្រសាសន៍នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ក្នុងកិច្ចប្រជុំព្រឹទ្ធសភានៅព្រឹកថ្ងៃទី២០ ខែឧសភា ឆ្នាំ២០២៦។

ប្រមុខការបារជាតិកម្ពុជាបានពន្យល់បន្ថែមថា យុវជនយើងដែលជាប់ការតព្វកិច្ចយោធាន គឺមិនមែនជាបន្ទុកនោះទេ ប៉ុន្ដែគឺជាឱកាសរបស់ពួកគេជាពិសេសក្នុងការចូលរួមការពារជាតិ និងមាតុភូមិពីគ្រោះអាសន្ន ឬមានសត្រូវឈ្លានពាន។ ក្រៅពីនេះយុវជនដែលជាប់ការតព្វកិច្ចយោធានឹងទទួលបានការបណ្ដុះបណ្ដាលបន្ថែមដែលអាចក្លាយជាធនធានមនុស្សរបស់ជាតិ និងជាកម្លាំងជួយទៅដល់វិស័យការពារជាតិបន្ថែមទៀត។ ប្រសាសន៍នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ក្នុងកិច្ចប្រជុំព្រឹទ្ធសភានៅព្រឹកថ្ងៃទី២០ ខែឧសភា ឆ្នាំ២០២៦។

តាមរយៈកិច្ចសម្ភាសន៍ជាមួយទូរទស្សន៍BTVនេះ ដែរឯកឧត្តមនាយឧត្តមសេនីយ៍ ទៀ សីហា ក៏បានពន្យល់បន្ថែមទៀតផងដែរថា យុវជនកម្ពុជាដែលជាប់កាតព្វកិច្ចយោធានេះគឺមិនមែនជាបន្ទុកនោះ ទេ ហើយឯកឧត្តមអំពាវនាវឲ្យមានការចូលរួម ខណៈកាតព្វកិច្ចយោធានេះគឺជាឱកាសរបស់យុវជនគ្រប់ រូបដែលអាចចូលរួមចំណែកក្នុងការការពារជាតិ ជាពិសេសគឺរាល់មានការប៉ុនប៉ង ឬការឈ្លានពានពីបរទេសនោះគឺយើងអាចចូលរួមចំណែកជួយការពារ ក៏ដូចជាការរួមចំណែកជាមួយរាជរដ្ឋាភិបាលក្នុងការអនុវត្តនូវអ្វីដែល ជាតិរបស់យើងមានតម្រូវការ ហើយមួយវិញទៀតច្បាប់ស្តីពីកាតព្វកិច្ចយោធានេះក៏មិនមែនជាបន្ទុកទៅដល់សង្គម ហើយក៏មិនមែនជាការដាក់បន្ទុកទៅលើយុវជនជំនាន់ក្រោយនោះដែរ ប៉ុន្តែគឺជាការរួមចំណែក ជាមួយរាជរដ្ឋាភិបាលតាមតម្រូវការរបស់ក្រសួងការពារជាតិ ហើយជាឱកាសរបស់យុវជនគ្រប់រូបក្នុងការចូលរួមការពារបូរណភាពទឹកដីរបស់យើងទាំងអស់គ្នា។

សូមបញ្ជាក់ថានៅក្នុងកិច្ចប្រជុំ គណៈកម្មាធិការអចិន្ត្រៃយ៍ព្រឹទ្ធសភានាព្រឹកថ្ងៃទី២០ ខែឧសភា ឆ្នាំ២០២៦នេះ ក្រោមអធិបតីភាព ឯកឧត្តម អ៊ុច បូររិទ្ធ ប្រធានស្តីទីព្រឹទ្ធសភា បានសម្រេចអនុម័តសេចក្តីព្រាងច្បាប់ស្ដីពី«កាតព្វកិច្ចយោធា»ហើយ ដោយសំឡេង៥៨លើ៥៨សំឡេងនៃអង្គប្រជុំទាំងមូល ហើយនឹងបន្តបញ្ជូនថ្វាយព្រះមហាក្សត្រឡាយព្រះហត្ថលេខា ដើម្បីដាក់ឲ្យអនុវត្តឆាប់ៗនាពេលខាងមុខនេះ៕