ភ្នំពេញ ៖ ក្រសួងសាធារណការ និងដឹកជញ្ជូននៅថ្ងៃទី១៨ ខែមេសា ឆ្នាំ២០២២ បានឱ្យដឹងថា នៅខែមីនា ឆ្នាំ២០ ២២ គណៈកម្មាធិការសម្របសម្រួលអចិន្ត្រៃយ៍ នៃគណៈកម្មាធិការដឹកនាំការត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់ បានចាប់រថយន្តដឹកជញ្ជូនលើសទម្ងន់ចំនួន ២៨២ គ្រឿង និងពិន័យថវិកាសរុបចំនួន ៤៩៩ លានរៀល។ តួលេខនេះមានការថយចុះចំនួន ១៧ គ្រឿងស្មើនឹង ៥ % បើធៀ បនឹងទិន្នន័យខែកុម្ភៈ ឆ្នាំ២០២២ កន្លងទៅដែលមានចំនួន ២៩៩ គ្រឿង។
ក្រសួងក៏បានរម្លឹកដល់ម្ចាស់រថយន្តដឹកទំនិញទាំងអស់ត្រូវដឹងថា ការបង្កផលប៉ះពាល់ដែលបណ្តាលមកពីការដឹកជញ្ជូនលើសទម្ងន់ គឺបានបំផ្លាញផ្លូវជាតិដែលនាំឱ្យខាតបង់ថវិកាជាតិ ព្រមទាំងបង្កនូវគ្រោះថ្នាក់ប៉ះពាល់ដល់ទ្រព្យសម្បត្តិសាធារណៈ និងជីវិតមនុស្សផងដែរ៕ ដោយ៖ គង់ ឌិន