ប្រភពពីយោធាអ៊ីរ៉ង់បានប្រាប់ប្រព័ន្ធផ្សព្វផ្សាយរុស្ស៊ីថា ទីក្រុងតេអេរ៉ង់ មានអាវុធទំនើបៗ ដែលមិនទាន់ត្រូវបានដាក់ពង្រាយនៅឡើយ។

ដោយនិយាយអំពីការត្រៀមខ្លួនរបស់អ៊ីរ៉ង់សម្រាប់ការវាយប្រហារដ៏ខ្លាំងក្លាមួយផ្សេងទៀតរបស់សហរដ្ឋអាមេរិក មន្ត្រីបានប្រាប់ទីភ្នាក់ងារសារព័ត៌មានថា «យើង បានផលិតអាវុធទំនើបៗនៅក្នុងស្រុក ដែលមិនទាន់ត្រូវបានប្រើប្រាស់នៅលើសមរភូមិ និងមិនទាន់ត្រូវបានសាកល្បងនៅឡើយ»។

ប្រភពដដែលបានសង្កត់ធ្ងន់ថា ទីក្រុងតេអេរ៉ង់ បានត្រៀមរួចជាស្រេចសម្រាប់ការកើនឡើងជម្លោះជាមួយសហរដ្ឋអាមេរិក ហើយ «ទាក់ទងយុទ្ធោបករណ៍ និងសមត្ថភាពការពារជាតិ យើងមិនប្រឈមនឹងកង្វះណាមួយដែលនឹងរារាំងយើងពីការការពារប្រទេសរបស់យើងឡើយ»។ «លើកនេះ យើងគ្មានបំណងធ្វើសកម្មភាពក្នុងភាពអត់ធ្មត់នោះទេ»។