នាវាពិឃាតអាមេរិកពីរគ្រឿងដែលកំពុងប្រតិបត្តិការនៅក្នុងតំបន់ទទួលខុសត្រូវរបស់ទីបញ្ជាការកណ្តាលសហរដ្ឋអាមេរិក ដែលរួមមានមជ្ឈិមបូព៌ា អាស៊ីកណ្តាល និងអាហ្វ្រិកខាងកើត ត្រូវបានបំពាក់ដោយប្រព័ន្ធឡាស៊ែរ។ នេះបើយោងតាមរបាយការណ៍របស់គេហទំព័រ The War Zone។

គេហទំព័រនេះកត់សម្គាល់ថា នាវាពិឃាត USS Spruance គឺជាផ្នែកមួយនៃក្រុមវាយប្រហារនាវាផ្ទុកយន្តហោះ Abraham Lincoln ខណៈដែលនាវាពិឃាត USS John Finn កំពុងបំពេញកាតព្វកិច្ចប្រយុទ្ធ នៅមហាសមុទ្រឥណ្ឌា។

នាវាទាំងពីរគ្រឿងត្រូវបានបំពាក់ដោយប្រព័ន្ធឡាស៊ែរ ODIN ដែលត្រូវបានរចនាឡើង ដើម្បីធ្វើឲ្យយាន ដ្រូនចាប់គោលដៅមិនបាន និងផ្តាច់កាមេរ៉ា និងឧបករណ៍ចាប់សញ្ញានៅលើនាវា នាវាមុជទឹក យន្តហោះមានមនុស្សបើក និងយានអវកាសគ្មានមនុស្សបើក។

កងទ័ពជើងទឹកសហរដ្ឋអាមេរិក បានដាក់ពង្រាយអាវុធដែលដំណើរការដោយថាមពលលើនាវាសរុបចំនួន ៩គ្រឿង។ នេះបើយោងតាមរបាយការណ៍របស់គេហទំព័រ The War Zone៕