ប្រមុខយោធាអ៊ីស្រាអែល លោក Eyal Zamir បាននិយាយកាលពីថ្ងៃពុធថា កងកម្លាំងការពារជាតិអ៊ីស្រាអែល កំពុងត្រៀមក្នុងកម្រិតខ្ពស់បំផុត» ខណៈដែលសហរដ្ឋអាមេរិកបានគំរាមវាយប្រហារអ៊ីរ៉ង់ជាថ្មី។

យោងតាមសេចក្តីថ្លែងការណ៍មួយដែលចេញដោយយោធា លោក Zamir បានធ្វើការអត្ថាធិប្បាយនេះក្នុងអំឡុងពេលកិច្ចប្រជុំជាមួយមេបញ្ជាការកងពលទាំងអស់ ដើម្បីវាយតម្លៃការត្រៀមខ្លួនរបស់កងទ័ព និងវឌ្ឍនភាពនៃការប្រយុទ្ធគ្នាជាច្រើនសមរភូមិរបស់អ៊ីស្រាអែល។

សេចក្តីថ្លែងការណ៍នេះ បាននិយាយថា អំឡុងពេលកិច្ចប្រជុំ លោក Zamir និងមេបញ្ជាការបានធ្វើ «ការវាយតម្លៃស្ថានភាពប្រតិបត្តិការ» និងបានពិភាក្សាអំពីការត្រៀមខ្លួនរបស់កងកម្លាំង និងការបន្តប្រយុទ្ធនៅក្នុងវិស័យផ្សេងៗ។

លោក Zamir បានបញ្ជាក់ថា ក្នុងរយៈពេលប៉ុន្មានឆ្នាំចុងក្រោយនេះ យោធាបានធ្វើ «ការវាយប្រហារជាប្រព័ន្ធដ៏មានឥទ្ធិពល និងជាជំហានៗ» ប្រឆាំងនឹងអ៊ីរ៉ង់ និងសម្ព័ន្ធមិត្តរបស់ខ្លួន ហើយបច្ចុប្បន្នកំពុងពង្រឹងកម្លាំងនៅក្នុងតំបន់ព្រំដែនជាច្រើន៕