សារព័ត៌មាន Al Arabiya បានរាយការណ៍ដោយដកស្រង់ប្រភពថា កិច្ចចរចាជុំបន្ទាប់រវាងសហរដ្ឋអាមេរិក និងអ៊ីរ៉ង់ស្តីពីការដោះស្រាយជម្លោះនេះ អាចនឹងធ្វើឡើង នៅដើមខែមិថុនា។

យោងតាមប្រភពទាំងនោះ កិច្ចប្រជុំនេះ ត្រូវបានគេរំពឹងថា នឹងធ្វើឡើង នៅទីក្រុងអ៊ីស្លាម៉ាបាដ បន្ទាប់ពីចុងបញ្ចប់នៃរដូវបុណ្យហាជី (Hajj)។ ពិធីធម្មយាត្រាសំខាន់ៗនៅតាមទីតាំងពិសិដ្ឋរបស់សាសនាឥស្លាមក្នុងឆ្នាំ ២០២៦ ត្រូវបានគ្រោងទុកធ្វើ ពីថ្ងៃទី ២៥ ដល់ ២៩ ខែឧសភា។

ប្រភពក៏បាននិយាយផងដែរថា៖«ការងារកំពុងដំណើរការ ដើម្បីបញ្ចប់សំណើនៃកិច្ចព្រមព្រៀងរវាងទីក្រុងវ៉ាស៊ីនតោន និងទីក្រុងតេអេរ៉ង់»។ នាយសេនាធិការកងទ័ពប៉ាគីស្ថាន លោក Asim Munir ត្រូវបានគេរំពឹងថា នឹងធ្វើទស្សនកិច្ចប្រទេសអ៊ីរ៉ង់ នៅថ្ងៃសុក្រ ដើម្បី «ប្រកាសពីការកំណែចុងក្រោយនៃលក្ខខណ្ឌកិច្ចព្រមព្រៀង។

នៅថ្ងៃទី ១១ ខែមេសា អ៊ីរ៉ង់ និងសហរដ្ឋអាមេរិក បានធ្វើកិច្ចចរចាជាច្រើនជុំជាមួយអ៊ីរ៉ង់ នៅទីក្រុងអ៊ីស្លាម៉ាបាដ។ ទោះជាយ៉ាងណាក៏ដោយ ភាគីទាំងពីរក្រោយមកបានរាយការណ៍ថា ពួកគេមិនអាចឈានដល់កិច្ចព្រមព្រៀងលើការដោះស្រាយជម្លោះរយៈពេលវែងបានទេ ដោយសារតែពុំមានការឯកភាពគ្នាលើចំណុចមួយចំនួន។

នៅថ្ងៃទី ២១ ខែមេសា លោកប្រធានាធិបតី ដូណាល់ ត្រាំ បានប្រកាសពីចេតនារបស់លោកក្នុងការបន្ត បទឈប់បាញ់ជាមួយអ៊ីរ៉ង់។ ទន្ទឹមនឹងនេះ យោងតាមទូរទស្សន៍រដ្ឋអ៊ីរ៉ង់ ទីក្រុងតេអេរ៉ង់មិនទទួលស្គាល់ការបន្តបទឈប់បាញ់ឯកតោភាគីរបស់ទីក្រុងវ៉ាស៊ីនតោនទេ ហើយនឹងធ្វើសកម្មភាពតាមដែលខ្លួនយល់ថា ចាំបាច់សម្រាប់ផលប្រយោជន៍ផ្ទាល់ខ្លួន៕