មន្ត្រីស៊ីរី និងអង់គ្លេសកាលពីថ្ងៃព្រហស្បតិ៍ បានជួបប្រជុំគ្នានៅទីក្រុងដាម៉ាស ដើម្បីពិភាក្សាអំពីបញ្ហា អន្តោប្រវេសន៍អន្តរជាតិ និងកិច្ចខិតខំប្រឹងប្រែងក្នុងការសម្រួលដល់ការវិលត្រឡប់របស់ជនភៀសខ្លួនស៊ីរីដោយសុវត្ថិភាព។

លោកស្រី Ann Snow បេសកជនពិសេសរបស់ចក្រភពអង់គ្លេសសម្រាប់ប្រទេសស៊ីរី និងលោក Kingsley Green នាយកកិច្ចការអន្តោប្រវេសន៍អន្តរជាតិ បានជួបជាមួយអនុរដ្ឋមន្ត្រីក្រសួងមហាផ្ទៃស៊ីរី ឧត្តមសេនីយ៍ឯក Abdul Qader Tahan និងអនុរដ្ឋមន្ត្រីក្រសួងអន្តោប្រវេសន៍ និងលិខិតឆ្លងដែន លោក វរសេនីយ៍ឯក Walid Arrabi ដើម្បីពិភាក្សាអំពីកិច្ចសហប្រតិបត្តិការលើបញ្ហាទាក់ទងនឹងជនអន្តោ ប្រវេសន៍ ។

កិច្ចពិភាក្សានោះ បានផ្តោតលើនីតិវិធី និងវិធានការជាក់ស្តែង ដើម្បីសម្រួលដល់ការវិលត្រឡប់របស់ជនភៀសខ្លួនស៊ីរីដោយសុវត្ថិភាព និងមានរបៀបរៀបរយ ដូចដែលបានរាយការណ៍ដោយទីភ្នាក់ងារសារព័ត៌មានអារ៉ាប់ស៊ីរី។

សង្គ្រាមស៊ីវិលស៊ីរី ដែលមានរយៈពេលពីឆ្នាំ ២០១១ ដល់ឆ្នាំ ២០២៤ បានធ្វើឲ្យមនុស្ស ១២ លាននាក់ផ្លាស់ទីលំនៅ ដោយមានជនជាតិស៊ីរីយ៉ាងហោចណាស់ ៥ លាននាក់ បានក្លាយជាជនភៀសខ្លួន នៅក្នុងប្រទេសជិតខាង៕