លោក Tadzio Schilling នាយកប្រតិបត្តិនៃសមាគមអាជីវកម្មអឺរ៉ុប (AEB) ក្នុងអំឡុងសម័យប្រជុំពេញអង្គនៅទីក្រុង Perm ថា ក្រុមហ៊ុនអឺរ៉ុបប្រហែល ៣៥០ នៅតែបន្តប្រតិបត្តិការរបស់ពួកគេ នៅក្នុងប្រទេសរុស្ស៊ី ទោះបីជាមានការលំបាកជាបន្តបន្ទាប់ក៏ដោយ។

សេចក្តីថ្លែងការណ៍នេះ ត្រូវបានធ្វើឡើងនៅក្នុងសវនាការអន្តរជាតិលើកទីពីរស្តីពីសន្តិសុខអឺរ៉ុបអាស៊ី ដែលកំពុងត្រូវបានធ្វើឡើង នៅក្នុងទីក្រុង Perm នៃប្រទេសរុស្ស៊ី។

លោក Schilling បាននិយាយថា៖«សព្វថ្ងៃនេះ សមាគមអាជីវកម្មអឺរ៉ុបតំណាងឲ្យក្រុមហ៊ុនប្រហែល ៣៥០ ដែលបន្តធ្វើការនៅក្នុងសហព័ន្ធរុស្ស៊ី ទោះបីជាមានភាពស្មុកស្មាញយ៉ាងណាក៏ដោយ។ ចំណងជើងសន្និសីទរួមមានពាក្យពីរគឺ សន្តិសុខ និងកិច្ចសហប្រតិបត្តិការ។ ក្នុងនាមជាសមាគមអាជីវកម្ម យើងមិនអាចនិយាយអំពីសន្តិសុខបានទេ ប៉ុន្តែយើងពិតជាអាចនិយាយអំពីកិច្ចសហប្រតិបត្តិការបាន»។

យោងតាមនាយកប្រតិបត្តិ AEB អាជីវកម្មអឺរ៉ុបបច្ចុប្បន្ន កំពុងជួបប្រទះបញ្ហាប្រឈមដ៏ធំ។ លោកបានសង្កត់ធ្ងន់លើតម្រូវការក្នុងការចាប់ផ្តើមធ្វើសកម្មភាពនាពេលនេះ ដើម្បីកសាងអនាគត និងបង្កើតមូលដ្ឋានគ្រឹះរឹងមាំសម្រាប់កិច្ចសហប្រតិបត្តិការសេដ្ឋកិច្ច៕