សេវាសម្ងាត់អាមេរិក​បាននិយាយថា​ ខ្មាន់កាំភ្លើងម្នាក់ដែលបានបាញ់ប្រហារ​​នៅចំណុចត្រួតពិនិត្យសេតវិមាន ហើយ​​ត្រូវបានក្រុមមន្ត្រីបាញ់តបតវិញ​នោះ​​ បាន​ស្លាប់ បន្ទាប់ពីត្រូវបានបញ្ជូនទៅមន្ទីរពេទ្យកាលពី​​ល្ងាចថ្ងៃសៅរ៍ ២៣​ ឧសភា។

យោងតាមសេចក្តីថ្លែងការណ៍របស់សេវាសម្ងាត់ បុរសនោះបានដើរទៅចំណុចត្រួតពិនិត្យនៅផ្លូវ 17th Street ​​ និងផ្លូវ Pennsylvania Avenue ជិតសេតវិមានដោយ​​​​ទាញកាំភ្លើងចេញពីកាបូបរបស់គេ​ ហើយចាប់ផ្តើមបាញ់ទៅលើក្រុម​មន្ត្រីយតែម្ដង​។​

សេចក្តីថ្លែងការណ៍នេះបាននិយាយថា មន្ត្រីនគរបាល​​​សេវាសម្ងាត់បានបាញ់តបវិញ ដោយបាញ់ចំជនសង្ស័យ ដែលត្រូវបានបញ្ជូនទៅមន្ទីរពេទ្យក្នុងតំបន់ ជាទីដែល​​ក្រោយមក​​​ជននោះបានស្លាប់​។​

សេចក្តីថ្លែងការណ៍នេះបាននិយាយថា អ្នកឈរមើលម្នាក់ត្រូវបានបាញ់ដោយកាំភ្លើង ប៉ុន្តែពុំ​បានបញ្ជាក់ច្បាស់ថាតើ​មនុស្សនោះរងរបួសធ្ងន់ធ្ងរប៉ុណ្ណានោះទេ។​ សេចក្តីថ្លែងការណ៍មួយទៀតរបស់សេវាសម្ងាត់ ដែលត្រូវបានដកស្រង់ដោយសារព័ត៌មានជាច្រើន បាននិយាយថា គេ​​មិនច្បាស់ទេថាតើអ្នកឈរមើលត្រូវបានវាយប្រហារនៅពេលដែលខ្មាន់កាំភ្លើងចាប់ផ្តើមបាញ់ ឬក្នុងអំឡុងពេលនៃការបាញ់ប្រហារជាបន្តបន្ទាប់។

សេវាសម្ងាត់បាននិយាយថា គ្មានបុគ្គលិកអនុវត្តច្បាប់ណាម្នាក់រងរបួសទេ ដោយបន្ថែមថា លោក​​​ប្រធានាធិបតី​ Donald Trump ​​ បាន​កំពុង​ស្ថិត​​​នៅឯសេតវិមានក្នុងអំឡុងពេលកើតហេតុ៕