សារព័ត៌មាន Nikkei បានរាយការណ៍កាលពីថ្ងៃចន្ទដោយដកស្រង់ប្រភពផ្នែកការទូតតំបន់មជ្ឈិមបូព៌ា ថា សហរដ្ឋអាមេរិក និងអ៊ីរ៉ង់ កំពុងពិភាក្សាអំពីផែនការបើកច្រកសមុទ្រ Hormuz ប្រហែល៣០ថ្ងៃបន្ទាប់ពីប្រទេសទាំងពីរឈានដល់កិច្ចព្រមព្រៀងដើម្បីបញ្ចប់អរិភាព។

សារព័ត៌មាន Nikkei បាននិយាយថា អ៊ីរ៉ង់នឹងបន្តបោសសម្អាតគ្រាប់មីនចេញពីច្រកសមុទ្រនេះក្នុងអំឡុងពេល៣០ថ្ងៃបន្ទាប់ពីកិច្ចព្រមព្រៀង ដែលក្រោយមកនាវាមកពីគ្រប់ប្រទេសទាំងអស់នឹងអាចធ្វើនាវាចរណ៍ដោយសេរី និងដោយសុវត្ថិភាព ហើយអ៊ីរ៉ង់នឹងឈប់ប្រមូលថ្លៃឈ្នួលសម្រាប់ការដឹកជញ្ជូនឆ្លងកាត់។

របាយការណ៍បាននិយាយបន្ថែមថា បទឈប់បាញ់ដែលបានព្រមព្រៀងគ្នាកាលពីដើមខែមេសា នឹងត្រូវបានបន្ថែមពេល៦០ថ្ងៃ ដោយមានផែនបើកកិច្ចចរចាលើកម្មវិធីនុយក្លេអ៊ែររបស់អ៊ីរ៉ង់ ក្នុងអំឡុងពេលផ្អាករយៈពេលពីរខែនេះ។