ទីភ្នាក់ងារដឹកជញ្ជូន Tribeca បាននិយាយថា ការវាយប្រហារដោយយានដ្រូន បានកំណត់គោលដៅលើ នាវាដឹកប្រេងចំនួនបីគ្រឿង នៅសមុទ្រខ្មៅ ក្បែរឆ្នេរសមុទ្រភាគខាងជើងរបស់ប្រទេសទួរគី នាថ្ងៃព្រហស្បតិ៍នេះ។

ទីភ្នាក់ងារនេះបានឲ្យដឹងថា នាវាដឹកប្រេង James II ដែលធ្វើដំណើរក្រោមទង់ជាតិប៉ាឡាវ (Palau) និងមានសណ្តូង ស្ថិតនៅចម្ងាយប្រហែល ៥០ ម៉ាយ (៨០ គីឡូម៉ែត្រ) ភាគខាងជើងនៃតំបន់ Turkeli ក្នុងសមុទ្រខ្មៅ នៅពេលដែលឧប្បត្តិហេតុនេះ បានកើតឡើង។

ទីភ្នាក់ងារនេះក៏បាននិយាយផងដែរថា នាវាដឹកប្រេង Altura និង Velora ដែលធ្វើដំណើរក្រោមទង់ជាតិ សៀរ៉ាមឡេអូន និងប៉ាឡាស ត្រូវរងការវាយប្រហារនៅក្នុងតំបន់ក្បែរនោះ ខណៈពេលកំពុងធ្វើប្រតិបត្តិការផ្ទេរប្រេងរវាងនាវាទាំងពីរគ្រឿងនេះ។

ទីភ្នាក់ងារនេះបានបន្ថែមថា ទូកសុវត្ថិភាពឆ្នេរសមុទ្រត្រូវបានបញ្ជូនទៅកន្លែងកើតហេតុ ដើម្បីជួយហើយសមាជិកនាវិកទាំងអស់នៅក្នុងនាវាដឹកប្រេងទាំងនោះ ត្រូវបានរាយការណ៍ថា ស្ថិតក្នុងស្ថានភាពល្អទេ៕