ក្រុមនិយ័តករបច្ចេកវិទ្យាសហភាពអឺរ៉ុប(EU)និយាយនៅថ្ងៃព្រហស្បតិ៍នេះថា ក្រុមហ៊ុនលក់តាមអនឡាញ Temu របស់ចិន រងការផាកពិន័យ ២៣២លានដុល្លារ សម្រាប់ការពុំធ្វើបានគ្រប់គ្រាន់ ដើម្បីបញ្ចប់ការលក់ផលិតខុសច្បាប់ បន្ទាប់ពីការស៊ើបអង្កេតទ្រង់ទ្រាយធំ ។

ការផាកពិន័យបន្ថែមទៀត អាចនឹងកើតមាន ក្នុងរយៈពេលប៉ុន្មានខែខាងមុខនេះ ខណៈដែលលទ្ធផលនៃការស៊ើបអង្កេតរយៈពេលជិត ២ឆ្នាំក្រោមច្បាប់សេវាកម្មឌីជីថល តម្រូវឲ្យក្រុមហ៊ុនអនឡាញ ចាត់វិធានការបន្ថែមទៀត ដើម្បីដោះស្រាយខ្លឹមសាររងផលប៉ះពាល់ និងខុសច្បាប់នៅលើបណ្តាញព័ត៌មានសង្គមរបស់ពួកគេ ។

ក្រុមនិយ័តករ EU បានស៊ើបអង្កេតក្រុមហ៊ុន Temu បន្ទាប់ពីបណ្តឹងរបស់អង្គការអ្នកប្រើប្រាស់អឺរ៉ុប( BEUC) និងសមាជិក ១៧ប្រទេសរបស់ខ្លួន ។

គណកម្មការអឺរ៉ុបដែលជាប្រតិបត្តិ EU និយាយថា ក្រុមហ៊ុនមួយនេះ ពុំបានកំណត់អត្តសញ្ញាណ វិភាគ និងវាយតម្លៃដោយយកចិត្តទុកដាក់នោះទេ ពីហានិភ័យជាប្រព័ន្ធលើផលិតផលខុសច្បាប់ដែលបានលក់នៅលើបណ្តាញសង្គមរបស់ពួកគេ ហើយជាលទ្ធផលធ្វើឲ្យប៉ះពាល់ដល់អ្នកប្រើប្រាស់នៅ EU ៕