តម្លៃប្រេងបានធ្លាក់ចុះបន្តិច ដោយសារក្តីសង្ឃឹមសម្រាប់កិច្ចព្រមព្រៀងពង្រីកកិច្ចព្រមព្រៀងឈប់បាញ់រវាងសហរដ្ឋអាមេរិក និងអ៊ីរ៉ង់ ទោះបីជាការអត្ថាធិប្បាយពីអនុប្រធានាធិបតីអាមេរិកលោក JD Vance ថា ប្រទេសទាំងពីរជិតឈានដល់កិច្ចព្រមព្រៀងក៏ដោយ។
តម្លៃប្រេងឆៅសម្រាប់ខែកក្កដា ដែលផុតកំណត់នៅថ្ងៃសុក្រនេះ បានធ្លាក់ចុះ ៣៥សេន ឬ០,៣៧ % មកនៅត្រឹម ៩៣,៣៦ ដុល្លារក្នុងមួយបារ៉ែល នៅម៉ោង១និង៥នាទីម៉ោងសកល។ ចំណែកតម្លៃប្រេង WTI របស់សហរដ្ឋអាមេរិក បានធ្លាក់ចុះ៦២ សេន ឬ០,៧១% មកនៅត្រឹម៨៨,២៧ ដុល្លារក្នុងមួយបារ៉ែល
តម្លៃប្រេងឆៅសម្រាប់ខែសីហា ដែលមានការជួញដូរយ៉ាងសកម្ម បានធ្លាក់ចុះ ៤៦ សេន ឬ ០,៥០ % មកនៅត្រឹម ៩២,២៤ដុល្លារអាមេរិកក្នុងមួយបារ៉ែល។
តម្លៃមានភាពប្រែប្រួលក្នុងវគ្គជួញដូរថ្មីៗនេះ ដោយបានកើនឡើងដល់ ៦ ដុល្លារសម្រាប់តម្លៃគោលទាំងពីរលើសញ្ញាផ្ទុយគ្នាជុំវិញការបញ្ចប់សង្គ្រាមអ៊ីរ៉ង់រយៈពេលបីខែដែលអាចកើតមាន និងការបើកច្រកសមុទ្រ Hormuz ឡើងវិញ ដែលជាផ្លូវដឹកជញ្ជូនសំខាន់សម្រាប់ប្រហែលមួយភាគប្រាំនៃការផ្គត់ផ្គង់ប្រេង និងឧស្ម័នធម្មជាតិរាវរបស់ពិភពលោក។
តម្លៃមាសបានកើនឡើងនៅថ្ងៃសុក្រនេះ ខណៈក្រុមវិនិយោគិនបានវាយតម្លៃរបាយការណ៍នៃកិច្ចព្រមព្រៀងឈប់បាញ់រវាងសហរដ្ឋអាមេរិក និងអ៊ីរ៉ង់ ស្របពេលមានការព្រួយបារម្ភកាន់តែខ្លាំងជុំវិញអតិផរណា និងការដំឡើងអត្រាការប្រាក់របស់សហរដ្ឋអាមេរិក។តម្លៃមាសជួញដូរភ្លាមៗ បានកើនឡើង ០,៤%នៅដល់តម្លៃ ៤.៥១២,៧៩ ដុល្លារអាមេរិកក្នុងមួយអោន គិតត្រឹមម៉ោង ១និង១៣នាទី ម៉ោងសកល ៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
