រដ្ឋមន្ត្រីក្រសួងរតនាគារសហរដ្ឋអាមេរិក លោក Scott Bessent បាននិយាយថា អូម៉ង់បានធានាចំពោះ​ សហរដ្ឋអាមេរិកនៅថ្ងៃព្រហស្បតិ៍ថា ខ្លួន​មិនមានផែន​ការ​គិតថ្លៃសេវាពីនាវាឆ្លងកាត់ច្រកសមុទ្រហ័រមូសទេ។ 

លោក Bessent បានប្រាប់សន្និសីទសារព័ត៌មាននៅសេតវិមានថា លោកបាននិយាយជាមួយឯកអគ្គរដ្ឋទូតអូម៉ង់អំពីបញ្ហានេះ។

លោក Bessent បាននិយាយថា៖«ខ្ញុំបានប្រាប់លោកឯកអគ្គរដ្ឋទូត​ថា នេះមិនមែនជាការចាប់ផ្តើមទេ ហើយមិនចង់ឲ្យ​បុគ្គល ឬស្ថាប័នហិរញ្ញវត្ថុរបស់​អូម៉ង់រ​ងការ​ដាក់​ទណ្ឌកម្ម​ពីសហរដ្ឋអាមេរិកទេ​។

លោក​ប្រធានាធិបតី ដូណាល់ ត្រាំ ហាក់ដូចជាគំរាមកំហែងអូម៉ង់ ដែលជាសម្ព័ន្ធមិត្តរបស់សហរដ្ឋអាមេរិក កាលពីថ្ងៃពុធ នៅពេលត្រូវបានសួរអំពីការរៀបចំរយៈពេលខ្លីដែលអាចធ្វើទៅបាន ដែលអនុញ្ញាតឲ្យ​ខ្លួន និង អ៊ីរ៉ង់គ្រប់គ្រងច្រកសមុទ្រហ័រមូស​ ដោយនិយាយថា លោកនឹងចាត់វិធានការយោធាប្រឆាំងនឹងពួកគេប្រសិនបើទីក្រុង Muscat ធ្វើដូច្នេះ។ នេះបើយោងតាមរបាយការណ៍របស់សារព័ត៌មាន​ AFP៕