យោងតាមប្រព័ន្ធផ្សព្វផ្សាយរដ្ឋរបស់អ៊ីស្រាអែល Kan បានឲ្យដឹងថា អ៊ីស្រាអែល បានស្នើឱ្យដកទ័ពរបស់ខ្លួនបណ្តើរៗនៅភាគខាងត្បូង និងកាត់បន្ថយតំបន់សន្តិសុខនៅក្នុងប្រទេសលីបង់ អាស្រ័យលើថាតើកងទ័ពលីបង់ រំសាយអាវុធរបស់ក្រុមហេសបូឡាបានយ៉ាងមានប្រសិទ្ធភាពប៉ុណ្ណា។

ដោយដកស្រង់សម្តីមន្ត្រីអ៊ីស្រាអែល សារព័ត៌មាន Kan បានរាយការណ៍ថា កងកម្លាំងអ៊ីស្រាអែល នឹងមិនចាកចេញពីភាគខាងត្បូងប្រទេសលីបង់ទាំងស្រុងនោះទេ ប៉ុន្តែនឹងដកថយនៅភាគខាងត្បូងបន្ថែមទៀតតាមសមាមាត្រទៅនឹងវឌ្ឍនភាពរបស់កងទ័ពលីបង់។

មន្ត្រីអ៊ីស្រាអែល បានប្រាប់សារព័ត៌មាន Kan ថា ការដកទ័ពចេញទាំងស្រុងនឹងមិនកើតឡើងទេ ដរាបណាមានការគំរាមកំហែង។

របាយការណ៍នេះ បានធ្វើឡើងខណៈសហរដ្ឋអាមេរិក កំពុងស្វែងរកការបន្ធូរបន្ថយភាពតានតឹងនៅក្នុងប្រទេសលីបង់ ជាកន្លែងដែលកងកម្លាំងអ៊ីស្រាអែល បានដណ្តើមយកវិហារយុទ្ធសាស្ត្រ Beaufort ក្នុងការឈ្លានពានចូលជ្រៅបំផុតទៅក្នុងទឹកដីប្រទេសលីបង់ ក្នុងរយៈពេល២៦ ឆ្នាំ កន្លងទៅនេះ។