ប្រធាននាយកដ្ឋានអាត្លង់ទិកខាងជើងនៃក្រសួងការបរទេសរុស្ស៊ី លោក Alexander Gusarov បាននិយាយថា ទីក្រុងមូស្គូបានត្រៀមខ្លួនរួចជាស្រេចដើម្បីឆ្ពោះទៅរកការធ្វើឲ្យទំនាក់ទំនងជាមួយទីក្រុងវ៉ាស៊ីនតោនមានប្រក្រតីភាពឡើង ដរាបណាផលប្រយោជន៍របស់ខ្លួន ត្រូវបានគោរព ហើយកិច្ចការផ្ទៃក្នុងរបស់ខ្លួន មិនត្រូវបានជ្រៀតជ្រែក។

លោក Alexander Gusarov បានថ្លែងនៅក្នុងបទសម្ភាសន៍មួយជាមួយទស្សនាវដ្តីកិច្ចការអន្តរជាតិថា៖ «ជាការពិតណាស់ ទាក់ទងនឹងលទ្ធផលជាក់ស្តែង វិធីសាស្ត្រដ៏ទំនើបដែលកំពុងលេចចេញក្នុងការស្តារឡើងវិញនូវទំនាក់ទំនង មិនទាន់ត្រូវបានសាកល្បងនៅឡើយទេ។ ទោះជាយ៉ាងណាក៏ដោយ មិនថាផ្លូវនេះវែងឆ្ងាយ និងលំបាកប៉ុនណានោះទេ យើងត្រៀមខ្លួនរួចជាស្រេចដើម្បីឆ្ពោះទៅមុខ ដរាបណាភាគីទាំងពីរ ប្រកាន់ខ្ជាប់នូវគោលការណ៍ជាមូលដ្ឋាននៃការគោរពផលប្រយោជន៍គ្នាទៅវិញទៅមក និងការមិនជ្រៀតជ្រែកក្នុងកិច្ចការផ្ទៃក្នុង»។

លោក Gusarov បាននិយាយថា ចាប់តាំងពីឡើងកាន់អំណាចមក ថ្នាក់ដឹកនាំអាមេរិកបច្ចុប្បន្នបានប្រកាសពីចេតនា «កែប្រែអាកប្បកិរិយាប្រឈមមុខដាក់គ្នា និងមនោគមវិជ្ជាខ្លាំង» របស់រដ្ឋបាលអតីតប្រធានាធិបតីអាមេរិក លោក ចូបៃ ដិន (Joe Biden)។ លោកបានបន្ថែមថា៖«ការសន្ទនាដែលមានតុល្យភាព និងជាក់ស្តែង បានក្លាយជាបទដ្ឋាន ទោះបីជានៅមានការខ្វែងគំនិតជាច្រើន ដែលនៅសេសសល់ក៏ដោយ។ ទំនាក់ទំនងទ្វេភាគីដែលមានប្រយោជន៍មួយចំនួន បានកើតឡើង រួមទាំងនៅកម្រិតខ្ពស់បំផុតផងដែរ»៕