អង្គការមនុស្សធម៌ Action For Humanity (AFH) បានស្វាគមន៍របាយការណ៍នៃកិច្ចព្រមព្រៀងបទឈប់បាញ់នៅលីបង់ ខណៈពេលដែលព្រមានថា បទឈប់បាញ់ណាមួយ ត្រូវតែប្រែក្លាយទៅជាការកែលម្អជាក់ស្តែងសម្រាប់ជនស៊ីវិល ដែលរងផលប៉ះពាល់ដោយជម្លោះជាច្រើនខែនេះ។

អង្គការសប្បុរសធម៌ដែលមានមូលដ្ឋាននៅចក្រភពអង់គ្លេស បាននិយាយកាលពីថ្ងៃព្រហស្បតិ៍ថា កិច្ចព្រមព្រៀង គួរតែផ្តល់ការការពារពិតប្រាកដសម្រាប់ជនស៊ីវិល អនុញ្ញាតឲ្យភ្នាក់ងារមនុស្សធម៌ទៅកាន់សហគមន៍ដែលរងផលប៉ះពាល់ ដោយគ្មានការរឹតត្បិត និងបង្កើតលក្ខខណ្ឌសម្រាប់ប្រជាជនដែលត្រូវបានផ្លាស់ទីលំនៅ ឲ្យត្រឡប់ទៅផ្ទះសម្បែងវិញ។

អង្គការនេះ បាននិយាយថា ការរៀបចំបទឈប់បាញ់ពីមុន បានបរាជ័យ ក្នុងការទប់ស្កាត់អំពើហិង្សាជាបន្តបន្ទាប់ និងទុក្ខវេទនារបស់ជនស៊ីវិល ហើយបានសង្កត់ធ្ងន់ថា កិច្ចព្រមព្រៀងចុងក្រោយបំផុត នឹងត្រូវអនុវត្តយ៉ាងពេញលេញ ដើម្បីសម្រេចបានលទ្ធផលប្រកបអត្ថន័យជាក់ស្តែង។

យោងតាមអង្គការ AFH បានឲ្យដឹងថា មនុស្សជាង ១,៣ លាននាក់ ដែលស្មើនឹងប្រហែល ២០ភាគរយនៃចំនួនប្រជាជនលីបង់ ត្រូវបានផ្លាស់ទីលំនៅក្នុងអំឡុងពេលជម្លោះ ខណៈដែលផ្ទះរាប់ពាន់ខ្នង និងហេដ្ឋារចនាសម្ព័ន្ធស៊ីវិលសំខាន់ៗ ត្រូវបានខូចខាត ឬបំផ្លាញ៕