ទារកទើបកើតនៅមន្ទីរពេទ្យសម្ភពមួយកន្លែងក្នុងរដ្ឋធានីLa Paz ប្រទេសបូលីវី បានប្រឈមទៅនឹងកង្វះអុកស៊ីសែនដែលកំពុងគំរាមកំហែងដល់អាយុជីវិត ខណៈការបិទផ្លូវជាច្រើនសប្តាហ៍ដោយក្រុមអ្នកតវ៉ាប្រឆាំងរដ្ឋាភិបាល បានបន្តរារាំងដល់ការផ្គត់ផ្គង់សំខាន់ៗដល់ទីក្រុងនេះ។

ក្រុមវេជ្ជបណ្ឌិតនៅមន្ទីរពេទ្យសម្ភពធំមួយកន្លែងបាននិយាយថា អុកស៊ីសែនបម្រុងត្រូវបានគេរំពឹងថានឹងនៅសល់រយៈពេលត្រឹមតែប៉ុន្មានម៉ោងទៀតប៉ុណ្ណោះ ដោយព្រមានថាការរំខានណាមួយចំពោះការផ្គត់ផ្គង់ដែលអាចឆ្លាស់គ្នាបាន អាចធ្វើឱ្យទារកប្រហែល២០នាក់ស្ថិតក្នុងផ្នែកសង្គ្រោះបន្ទាន់មានហានិភ័យធ្ងន់ធ្ងរ។

វិបត្តិនេះ ក៏ប៉ះពាល់ដល់មន្ទីរពេទ្យ del Niño ជាមជ្ឈមណ្ឌលជំនាញផ្នែកកុមារតែមួយគត់របស់ទីក្រុង ជាកន្លែងដែលកុមារប្រហែល ១៥០ នាក់កំពុងសម្រាកព្យាបាលនៅមន្ទីរពេទ្យ ។

អភិបាលក្រុងLA Paz លោក Luis Revilla បាននិយាយថា អាជ្ញាធរកំពុងប្រញាប់ប្រញាល់អនុញ្ញាតឱ្យរថយន្តដឹកអុកស៊ីសែនពីរគ្រឿងដែលជាប់គាំងនៅជិតក្រុង Lahuachaca ឆ្លងកាត់ចូលទៅក្នុងទីក្រុង LA Paz ដោយសង្កត់ធ្ងន់ថា អ្នកជំងឺមួយចំនួនត្រូវការអុកស៊ីសែនគ្រប់ពេលវេលា ហើយជីវិតមនុស្សជាច្រើនទៀតកំពុងស្ថិតក្នុងហានិភ័យ។

កង្វះនេះ គឺជាផលវិបាកចុងក្រោយនៃការបិទផ្លូវ ខណៈក្រុមអ្នកតវ៉ាទាមទារឱ្យប្រធានាធិបតីនិយមកណ្តាលលោក Rodrigo Paz លាលែងពីតំណែង ដោយសារតែវិធានការរឹតត្បិតថវិកា និងការកើនឡើងការចំណាយសម្រាប់ជីវភាពរស់នៅ។