អ៊ីរ៉ង់បាននិយាយនៅថ្ងៃចន្ទនេះថា សហរដ្ឋអាមេរិកគឺជាអ្នកទទួលខុសត្រូវចំពោះការបន្តការប្រយុទ្ធជាមួយអ៊ីស្រាអែល ដោយនិយាយថា សកម្មភាពរបស់អ៊ីស្រាអែល «មិនអាចបំបែកចេញ» ពីគោលនយោបាយរបស់សហរដ្ឋអាមេរិកបានទេ។

អ្នកនាំពាក្យក្រសួងការបរទេសលោក Esmaeil Baqaei បានថ្លែងនៅក្នុងសន្និសីទសារព័ត៌មានមួយនៅទីក្រុងតេអេរ៉ង់ដែលមានការចូលរួមពីទីភ្នាក់ងារសារព័ត៌មាន AFP ថា «ដោយគ្មានការសង្ស័យទេ ដូចដែលខ្ញុំបាននិយាយ សកម្មភាពរបស់របបជ្វីហ្វ នៅក្នុងតំបន់ មិនអាចបំបែកចេញពីគោលនយោបាយរបស់សហរដ្ឋអាមេរិកបានទេ»។

លោកបានបន្ថែមថា៖«គ្មាននរណាម្នាក់ជឿថា របបជ្វីហ្វ នឹងអនុវត្តសកម្មភាពណាមួយ ដោយគ្មានការសម្របសម្រួល និងកិច្ចសហប្រតិបត្តិការជាមុនជាមួយសហរដ្ឋអាមេរិកនោះទេ»។

លោក Baqaei បាននិយាយថា៖«នេះគឺជារឿងធម្មតាទេដែលដំណើរការការទូត ដែលបានចាប់ផ្តើម ដើម្បីបញ្ចប់សង្គ្រាមដែលដាក់ចេញនេះ នឹងរងផលប៉ះពាល់យ៉ាងខ្លាំង»៕