រលក​រញ្ជួយ ឬការរញ្ជួយ​តូចៗបន្ថែមទៀត​ ដែលត្រូវ​បានកត់ត្រា បន្ទាប់ពីមាន​រញ្ជួយដីកម្រិត ៧,៨រ៉ិចទ័រ ដែលបានកើត​ឡើង​នៅ​ម្ដុំ​ខេត្ត​ Sarangani ក្នុងប្រទេសហ្វីលីពីន កាល​ពី​ថ្ងៃចន្ទ (ទី៨ ខែមិថុនា ឆ្នាំ២០២៦) បានឡើងដល់ ១.១០០លើក​​ គិតត្រឹមម៉ោង ៨ព្រឹក (ម៉ោង​ក្នុង​ស្រុក) ថ្ងៃទី៩ ខែមិថុនានេះ។ នេះបើយោងតាមអ្នកជំនាញខាងរញ្ជួយដីរបស់រដ្ឋ។

វិទ្យាស្ថានភ្នំភ្លើង និងរញ្ជួយដីហ្វីលីពីន (Phivolcs) បានឲ្យ​ដឹង​ថា ការ​រញ្ជួយតូចៗ​ មានចាប់ពីកម្រិត ១,៣ ដល់ ៦,៧រ៉ិចទ័រ ដែលបង្ហាញពីសកម្មភាពរញ្ជួយដីជាបន្តបន្ទាប់ នៅជិតប្រភពដើមនៃគ្រោះ​រញ្ជួយដី។ មានការរញ្ជួយដីបន្ថែមចំនួន ៣១៣លើក ត្រូវបានកត់ត្រា​ ហើយ​ ២៣លើក ត្រូវបានអ្នកស្រុកនៅក្នុងតំបន់នោះ បាន​កត់​សម្គាល់​​។

គួរ​បញ្ជាក់​ថា រញ្ជួយដីកម្រិត ៧,៨រ៉ិចទ័រ បានកើត​ឡើង​នៅ​ម្ដុំ​តំបន់​ឆ្នេរសមុទ្រ Maasim ក្នុង​ខេត្ត Sarangani នៅម៉ោង ៧:៣៧នាទី​ព្រឹក (ម៉ោង​ក្នុង​ស្រុក​) កាល​ពី​ថ្ងៃទី៨ ខែមិថុនា ដែលបង្កឲ្យ​មានរលកយក្សស៊ូណាមិ និងបណ្តាលឲ្យ​ការ​ខូចខាតដល់ហេដ្ឋារចនាសម្ព័ន្ធ ថាមពល និងមធ្យោបាយទំនាក់ទំនង ទូទាំងតំបន់​ជា​ច្រើន នៅ​កោះ​ Mindanao។ នៅមុន​នេះ​ Phivolcs បានព្រមានថា ការ​រញ្ជួយតូចៗ​បន្ថែមទៀត អាចបន្តកើតមានលើសពី ១ខែ​៕