ក្រុម​ហេសបូឡា នៅ​ថ្ងៃអង្គារ (ទី​៩ ខែមិថុនា ឆ្នាំ២០២៦) នេះ បានជំរុញឲ្យ​អាជ្ញាធរលីបង់ផ្សះ​ផ្សាទំនាក់ទំនងរបស់ខ្លួន ជាមួយអ្នកគាំទ្រក្រុម គឺ​អ៊ីរ៉ង់ ហើយ​ទាញ​យក​អត្ថប្រយោជន៍ពីការគាំទ្រដោយ​ទីក្រុងតេអេរ៉ង់ ដោយ​ការ​លើក​ឡើង​នេះ​កើតមាន​ឡើង​ប៉ុន្មានថ្ងៃបន្ទាប់ពីអ៊ីរ៉ង់បានវាយប្រហារអ៊ីស្រាអែល ដើម្បីឆ្លើយតបទៅនឹងការទម្លាក់គ្រាប់បែកនៅភាគខាងត្បូង​នៃទីក្រុងបេរូត។

កាលពីសប្តាហ៍មុន ប្រធានាធិបតី និងនាយករដ្ឋមន្ត្រីលីបង់ បានចេញការអំពាវនាវចំៗ​ឲ្យ​ទីក្រុងតេអេរ៉ង់ឈប់ជ្រៀតជ្រែក ក្នុងកិច្ចការប្រទេសរបស់ពួកគេ បន្ទាប់ពីក្រុម​ហេសបូឡាបានបដិសេធបទឈប់បាញ់​មានលក្ខខណ្ឌជាមួយអ៊ីស្រាអែល។

សេចក្តីថ្លែងការណ៍របស់ក្រុម​ហេសបូឡា បានឲ្យ​ដឹង​ថា៖ ឲ«យើងសូមអំពាវនាវដល់អាជ្ញាធរលីបង់ឱឲ្យ​ចាប់យកឱកាសដែលមាន និងកែតម្រូវទំនាក់ទំនងផ្លូវការ ជាមួយសាធារណរដ្ឋឥស្លាម តាមវិធី​ដែលបម្រើផលប្រយោជន៍របស់រដ្ឋទាំង២»។

ក្រុម​ហេសបូឡាបានទាញលីបង់ឲ្យ​ធ្លាក់​ចូលទៅក្នុងសង្គ្រាមមជ្ឈិមបូព៌ា កាល​ពី​ថ្ងៃទី២ ខែមីនា ដោយ​បាញ់រ៉ូកែតទៅលើអ៊ីស្រាអែល ដើម្បីសងសឹក ចំពោះ​ការសម្លាប់មេដឹកនាំកំពូលរបស់អ៊ីរ៉ង់ អំឡុង​ការវាយប្រហារ រវាងសហរដ្ឋអាមេរិក និងអ៊ីស្រាអែល។ អ៊ីរ៉ង់ទទូចថា ការបញ្ឈប់ជម្លោះមជ្ឈិមបូព៌ា ត្រូវតែរួមបញ្ចូលបទឈប់បាញ់នៅក្នុងប្រទេសលីបង់ដូចគ្នា​ដែរ​៕