កងកម្លាំងពហុជាតិរបស់អង្គការណាតូ បានធ្វើសមយុទ្ធយានដ្រូន និងបាញ់គ្រាប់ពិតនៅប្រទេស ដែលជាសមយុទ្ធប្រចាំឆ្នាំនៅតំបន់ជ្រោយខាងកើតរបស់សម្ព័ន្ធមិត្ត ។

យោងតាមគេហទំព័ររបស់អង្គការណាតូ បានឲ្យដឹងថា សមយុទ្ធនេះរួមមានយានដ្រូន និងការហ្វឹកហាត់ប្រយុទ្ធក្នុងទីក្រុង សមយុទ្ធបាញ់គ្រាប់ពិតរបស់គ្រឿងយុទ្ធោបករណ៍ធន់ធ្ងន់ ក៏ដូចជាការប្រយុទ្ធដោយដៃទទេ ។

អង្គការណាតូនិយាយនៅក្នុងការបញ្ចេញព័ត៌មានថា បង្កើតឡើងក្រោយការវាយលុកពេញបន្ទុករបស់រុស្ស៊ីលើអ៊ុយក្រែន កងពលតូចពហុជាតិនៅស្លូវ៉ាគី មានគោលបំណងរារាំងការឈ្លានពាន ធានាឡើងវិញដល់សម្ព័ន្ធមិត្ត និងធានាថា អង្គការណាតូ ត្រៀមខ្លួនរួចរាល់ ក្នុងការការពាររាល់មីលីម៉ែត្រនៃទឹកដីរបស់សម្ព័ន្ធមិត្តខ្លួន ។

ស្លូវ៉ាគី ស្ថិតក្នុងចំណោមរដ្ឋសមាជិកចំនួន ៨របស់អង្គការណាតូ ដែលរៀបចំសមយុទ្ធយោធាពហុជាតិ នៅទូទាំងតំបន់ជ្រោយភាគខាងកើតរបស់សម្ព័ន្ធមិត្ត ។

សមយុទ្ធយោធានៅក្នុងប្រទេសមួយនេះ ដឹកនាំដោយអេស្ប៉ាញ ហើយនិងកងកម្លាំងមកពីសាធារណរដ្ឋឆែក ព័រទុយហ្គាល់ រ៉ូម៉ានី ស្លូវ៉ាគី និងស្លូវេនី ៕